滷友記 (華都中心)

Open Now

Now Closed

經同事介紹下第一次食滷友記有不愉快經歷，大概5:50分座低係滷友記，枱面已經有QR CODE 用手機程式既單落order，一黎乜都無睇到就求其點左個下午茶三餸，加罐裝飲品。事件就係咁發生…..大概5:58分有一對夫婦入左滷友記問仲有冇下午茶，女職員話下午茶去到6:00，之後女職員話幫佢地落order ,個女職員幫佢點左個下午茶三餸加罐裝飲品$57，點完餐個食客問反女職員嗌正價餐3餸$52送罐裝飲品，咁嗌仲平d,問個職員點解要幫佢落下午茶餐？之後職員高呼廚房幫佢地改反正價餐。最後我食完我個下午茶3餸加罐裝飲品$57，好聲好氣問個女職員問佢係咪可以減反$5，個女職員聲大大咁問我係咪大陸食客？又話你自己用手機落單？講真咁你完全無服務又吾主動幫人落單，依家又怪食客吾睇清楚menu，又吾肯幫我減-$5，其實講真都係問一聲，大家都係打工仔，大大聲其實吾好恰d 食客啦，都吾想再同個女職員嘈落去啦，嗱嗱臨拎左$107找反錢就走，個女職員係咁繼續大大聲咁責怪食客，話你自己手機落單，跟住叫佢找反錢俾我，我依家要走啦，個女職員依然好長氣，我差啲要報警，同埋以後都不會再幫襯，為左5元不值得再幫襯。