正品小館 (Closed)

今日同老公去佐敦逛佢少年時期最愛的模型店✈️🛰🚀⛵️，買下模型返屋企一齊砌。然後去咗隔離街一間中式小店 — 正品小館👍🏻😋，提早食晚飯。📍海南雞半隻🐓（$88）👉🏻好嫩滑，好有雞味，雞皮又唔會太肥，好好食！隻雞配三款醬，當中最愛薑蓉，鹹香適中，正！📍鹽焗凍馬友🐟（$88）👉🏻平時食開蒸魚，今次叫咗條凍魚。👍🏻條魚啖啖肉，好滑，好有鮮味。呢個價錢冇可能自己整到！📍椒鹽大尾魷🦑（$68）👉🏻大牌檔常見的菜式，酥香既炸魷魚配合蔥同指天椒，香辣味道唔錯😍，如果可以加埋炸蒜就最好喇!📍櫻蝦鵝油菜🥬（$48）👉🏻食落感覺好新鮮，櫻花蝦增加口感，加埋鵝油的脂香😍😋😋😋📍凍檸水/凍檸茶🥃（$18）👉🏻極度普通嘅檸茶檸水，檸檬好大方📍白飯🍚（$？）👉🏻平時好少刻意提及，不過唔係講笑呢間嘅飯香真係好香，好好味，老公讚咗好耐🍚仲有佢個自家製辣椒油都十分香！平時多數都係去酒樓叫餸食飯，好少去小餐廳叫餸食飯。覺得其實幫襯本地小店都可以有很好質素👍🏻，價錢實惠，真係做到平靚正😋👍🏻，平過自己煮（師奶心）。