Video
Read full review
2005-05-09
17 views
上年10月首次幫襯, 今次一行3人係第三次, 但差好多, 伙計之間同廚房合作出現好大問題, 成team 人人夠多, 但效率奇低...1. 叫伙計做, 佢就用名貴mo 記walkie talkie 比指示其他伙記/ 廚房, 但叫後永遠無料到, 一個便當跟麵豉湯+ 燉蛋, 便當, 其他就甩, 催佢, 佢又用對講機, 但一樣好耐唔. 質疑佢好似咁先進, 但又無人理佢, 仲乜佢唔親身快手做. 就係咁, 當晚咁就食120分鐘. 但並唔係享受隻120 分鐘. 擁有科技, 但outcome 係人配合得唔好, 著實無用.2. 眼見其他食客都狂催, 有催寫, 有催未到, 有催埋單, 但記住只係閒日夜晚喎, 周末周日難以想像. 跟本間至少有4 個伙計做, 但完全唔掂, 又無記性, 叫又唔即做, follow 又差, 又同壽司bar 入面員工嗌交, 親眼目擊bar 入面連做兩盤剌身拼盤, 點知擺半粒鐘無人理, bar 入面有條友喝伙計, 原來repeat 入單/入錯單, 兩個即場火拼.3. 最不接受就係狂多飛蚊烏蠅, 日本食店衛生要求極高, 入面就開放式壽司bar, 出面食客就有飛飛下, 點可能容許呢種情況
1. 叫伙計做, 佢就用名貴mo 記walkie talkie 比指示其他伙記/ 廚房, 但叫後永遠無料到, 一個便當跟麵豉湯+ 燉蛋, 便當, 其他就甩, 催佢, 佢又用對講機, 但一樣好耐唔. 質疑佢好似咁先進, 但又無人理佢, 仲乜佢唔親身快手做. 就係咁, 當晚咁就食120分鐘. 但並唔係享受隻120 分鐘. 擁有科技, 但outcome 係人配合得唔好, 著實無用.
2. 眼見其他食客都狂催, 有催寫, 有催未到, 有催埋單, 但記住只係閒日夜晚喎, 周末周日難以想像. 跟本間至少有4 個伙計做, 但完全唔掂, 又無記性, 叫又唔即做, follow 又差, 又同壽司bar 入面員工嗌交, 親眼目擊bar 入面連做兩盤剌身拼盤, 點知擺半粒鐘無人理, bar 入面有條友喝伙計, 原來repeat 入單/入錯單, 兩個即場火拼.
3. 最不接受就係狂多飛蚊烏蠅, 日本食店衛生要求極高, 入面就開放式壽司bar, 出面食客就有飛飛下, 點可能容許呢種情況發生? 唔係一隻半隻, 而係一幾隻, 食食下不時有烏蠅仔嬲住, 心情大跌, 試想當時盤無人理剌身拼盤擺半粒鐘, 會唔會已經比烏蠅仔偷食呢? 然後又比狂等食客?
4. 如果坐坐下想轉, 呢度可免則免, 嫌本身張位置差, 嫌無卡位坐, 倒不如走人. 你一轉, 佢又用對講機同入面講30 轉40, 點知出菜一樣比錯, 跟本無人知. 但佢成晚講十次, 聽到我都煩. 好衰唔衰, 比錯其他人已經郁過, 於是食物又要重新整過, 又要等過, 而且無論坐邊度, 冷氣一樣唔夠, 竟然食食剌身會覺得身熱熱. 無理由3 個人一齊發燒?
當晚叫兩個便當@$70, 加一碟壽司同其他食, 其實食物本身還可以, 都算大大份, 尤其個'炸蝦頭超長手卷' 好好食, 點知比劣質管理同衛生問題陀衰晒, 作為天水圍人感到好可惜. 難再有下次幫襯.
哎, 仲有, 咁大間, 面上無薑盒, 叫佢比薑咬下, 竟然話薑片無貨. 唔係...
Post