Video
Read full review
2018-05-11
1176 views
朋友係花藝師, 特登搵一間非常清新, 好似置身於花園既餐廳同佢慶祝.位置非常方便, 就係童軍總會斜對面.餐廳係大廈既4樓, 大廈睇落好新, 好乾淨樓下放左好多晚餐既MENU一去到樓上, 朋友就比個招牌吸引住, 因為有一塊新鮮好靚既柏葉, 好有生氣!而店內都充滿住花園既氣息店內既裝修怖置真係好田園, 好舒服!餐廳主要食西班牙菜再fusion 其他國家既cuisine.我地叫左好多小食, 再Share 一個Set Dinner 酸橙汁醃帶子三文魚之前係美國食過一間秘魯菜既餐廳, 有一道菜係用檸檬汁醃熟海鮮而整成既沙律. 呢度既煮法差唔多, 用酸橙汁醃反而無甘酸易D入口. 加埋其他新鮮雜菜, 真係好問胃, 食唔停口. 西班牙紅蝦薄片伴牛酒果沙律西班牙紅蝦肉好爽好香蝦味, 製成薄片鋪係底, 咬落依然好多肉汁好juicy. 上面既牛油果沙律, 係雜菜加牛油果. 無加其他沙律醬. 我建議用匙更畢起紅蝦薄片同埋雜菜牛油果, 就算無其他沙律醬都非常夠味, 牛油果+菜去襯托紅蝦肉, 令呢個菜式更加清新, 如果加其他沙律醬,我覺得會蓋過紅蝦肉既味道. 鹽烤西班牙鬼椒鹽烤西班牙鬼椒係一道非常傳統既西班牙小食
位置非常方便, 就係童軍總會斜對面.
餐廳係大廈既4樓, 大廈睇落好新, 好乾淨
樓下放左好多晚餐既MENU
一去到樓上, 朋友就比個招牌吸引住, 因為有一塊新鮮好靚既柏葉, 好有生氣!而店內都充滿住花園既氣息
店內既裝修怖置真係好田園, 好舒服!
餐廳主要食西班牙菜再fusion 其他國家既cuisine.我地叫左好多小食, 再Share 一個Set Dinner
酸橙汁醃帶子三文魚
之前係美國食過一間秘魯菜既餐廳, 有一道菜係用檸檬汁醃熟海鮮而整成既沙律. 呢度既煮法差唔多, 用酸橙汁醃反而無甘酸易D入口. 加埋其他新鮮雜菜, 真係好問胃, 食唔停口. 
西班牙紅蝦薄片伴牛酒果沙律
西班牙紅蝦肉好爽好香蝦味, 製成薄片鋪係底, 咬落依然好多肉汁好juicy. 上面既牛油果沙律, 係雜菜加牛油果. 無加其他沙律醬. 我建議用匙更畢起紅蝦薄片同埋雜菜牛油果, 就算無其他沙律醬都非常夠味, 牛油果+菜去襯托紅蝦肉, 令呢個菜式更加清新, 如果加其他沙律醬,我覺得會蓋過紅蝦肉既味道. 
鹽烤西班牙鬼椒
鹽烤西班牙鬼椒係一道非常傳統既西班牙小食. 西班牙鬼椒聽落個名好恐怖好似好辣甘, 但其實一d都唔辣, 非常香既椒味.加小小鹽去煮已經好足夠. 鬼椒連莖上, 我會連莖都食埋, 呢道小食餐前, 送啤酒都真係一流呀! 最鐘意係餐廳用鐵板上, 可以Keep 住d鬼椒暖d, 岩晒我地呢d雞喙唔斷既人!
甜洋蔥西班牙辣肉腸
另一個送啤酒一流既小食. 洋蔥非常甜, 一d都唔辣, 一d都唔嗆口, 我本身對洋蔥麻麻, 但甜到真係唔覺得自己食緊洋蔥. 西班牙辣肉腸 外皮非常脆, 辣肉腸唔會太辣, 非常香口. 好鐘意餐廳用夠熱既鐵板上小食, 一d都唔馬虎.
小食已經甘出色, 真係好期待個Set Lunch!
是日餐湯: 忌廉蘑菇湯
一黎到好驚喜, 我地只order 一個set dinner, 但餐廳知道我地想share, 就幫我地分開2碗湯上. 真係好貼心呀
餐湯應該係即叫即煮,因為黎到上台係超級熱. 非常足料, 食到一粒粒打碎既蘑菇. 而包面係非常香脆, 岩晒黎點湯食呀!主菜:
燒伊比利亞黑毛豬柳配青蘋果諾曼第汁
黑毛豬煮9成熟, 其實如果黑毛豬靚, 唔使煮到10成熟, 甘樣就唔會太鞋, 而且非常易咬多肉汁. 呢度既黑毛豬就做到呢個效果.諾曼第汁係來自法國既醬汁, 以大量奶油及蛋黃並加入大量鮮奶油後製成, 而諾曼第盛產蘋果, 可想而知呢個青蘋果諾曼第汁會有幾好味. 好香既奶油+酸酸甜甜既青蘋果汁, 加埋甘靚既黑毛豬, 真係好開胃!
份量非常多, 兩個女仔share真係岩岩好. 而且旁邊既伴碟菜都非常出色. 烤完都好juicy, 一d都唔求奇!
呢餐真係大滿足, 朋友都非常滿意, 食物非常好食之餘, 餐廳環境真係加晒分!
其實餐廳仲有露天露台, 可惜當晚落雨暫停開放, 如果唔係朋友一定更加鐘意!
Post
