小田田主題餐廳 (Closed)

頭盤叫咗翡翠螺同埋青口，好普通，口感同味道都一般 ， 可以唔好叫 。主菜叫咗 焗豬手、 烤魷魚、 酥皮羊排、 同 大蝦魚扒。焗豬手外脆，可惜唔係內軟， 豬手個身略嫌有啲乾， keep唔到啲肉汁。烤魷魚個味道調得幾好， 覺得好香，可惜都係有啲乾 ，烤魷魚要早一日訂 ，餐牌上面冇，打電話book枱嘅時候可以order ，都可以一試。酥皮羊扒唔錯，如果羊排可以生返少少仲好，肉會嫩口啲。最後叫咗個甜品 ，居然好好味， 諗住冇乜特別 ，只係一塊焗麵包，加咗啲生果同cream，但係麵包口感好好，好鬆化， 推介！加分位 係呢間餐廳有花茶，可以同朋友一邊傾偈，一邊飲茶。總括嚟講呢間餐廳都抵食， 雖然食物唔係好高分， 但係相對價錢嚟講 都ok。