睿海御宴 (Closed)

有一段時間冇飲茶了，今日㨂左位於大坑嘅「睿海御宴」飲茶。啲間中菜館嘅大廚係大有來頭，曾效力金紫荊和會展中菜廳嘅班底掌管廚部同點心，因此質素水平有一定保證。餐廳設在二樓，上樓梯間嘅牆壁充滿咗手繪壁畫，手畫的大坑特色舞火龍及傳統大花牌，夠晒搶鏡。上到餐廳就比較樸實，廳面以四人方枱為主，亦設有幾間VIP房。點心價錢唔算貴，喜歡佢每種點心都只係兩件，啱晒2個人，可以試多幾款唔同嘅點心。點心無論色、香、味都講究，絕對有質素。胡蘿蔔鮑魚粒咸水角 （兩件）$38一個梨型嘅咸水角別具特色，內裡係有蘿蔔、菇同鮑魚粒，無論個二外貌同味道都同樣出色。腐皮香酥雞卷 （四件）$48腐皮外再以天婦羅包裹着，香脆之餘裡邊的雞肉味道和口感都左樣出色。鮮蝦菜苗餃 （兩件）$32餃皮煙韌，鮮蝦爽彈再配上脆肉瓜，味道和口感都一流。脆皮奶卷 （兩件）$38好耐未食過咁好食嘅炸鮮奶，外表炸得非常香脆，而內裡的鮮奶味道適中不會過甜，非常好味！黑松露帶子角 （兩件）$28黑松露味道非常突出，加上帶子粒作餡料，S味道非常配合。再點上鎮江醋，味道又更上一層樓。XO醬炒腸粉 $68腸粉非常滑溜而不油膩，xo醬味道有層次，香而不辣。如果可