Video
Read full review
2023-01-11
702 views
取消咗疫苗通行証，第一時間當然想去我嘅第一大愛意粉屋啦! 但年尾比較忙，要去到兩星期後先得閒去幫襯.自從旺角中心，信和店，同埋新世紀廣場果間不論不類什麼360店相繼褶埋之後，旺角終於都有分店，而旺角哩間分店係第一次幫襯，環境闊落舒服.女友小熊打開本餐牌，見到 Dinner set menu 嘅選擇唔太合我心水，但我話唔洗擔心，於是點咗酥皮海鮮蕃茄忌廉湯同意大行菜湯，三文魚菠菜香草忌廉汁扁意粉，牛臉肉南瓜汁意大利飯，甜品係蛋白檸檬撻.我唔中意嘅 QR code 系統落單，終於都發生係意粉屋身上! 例如多蔥多汁少冰走冰少飯等等哩D要求，QR code 系統總係無得選擇!或者好麻煩先完成！蕃茄，菠菜，南瓜同扁意粉都唔係我喜歡菜色，唔洗擔心係意粉屋總有辦法煮到令我喜歡.海鮮蕃茄忌廉湯蕃茄嘅酸味唔重，而忌廉味較強，對於唔中意蕃茄味嘅我當然開心，反而意大利菜湯更酸，唔啱我飲.從來唔中意菠菜果種菜澀味，扁意粉闊條麵同粗身意粉亦都唔係我飛佛，但哩碟三文魚菠菜香草忌廉汁扁意粉，忌廉汁又發揮作用，濃郁嘅芡汁蓋過哂菠菜澀味，而菠菜又切到極碎，減底咗唔少菜澀味，扁意粉沾滿忌廉汁變得惹味，反而三文魚咸咗D，減咸
自從旺角中心，信和店，同埋新世紀廣場果間不論不類什麼360店相繼褶埋之後，旺角終於都有分店，而旺角哩間分店係第一次幫襯，環境闊落舒服.
女友小熊打開本餐牌，見到 Dinner set menu 嘅選擇唔太合我心水，但我話唔洗擔心，於是點咗酥皮海鮮蕃茄忌廉湯同意大行菜湯，三文魚菠菜香草忌廉汁扁意粉，牛臉肉南瓜汁意大利飯，甜品係蛋白檸檬撻.
我唔中意嘅 QR code 系統落單，終於都發生係意粉屋身上! 例如多蔥多汁少冰走冰少飯等等哩D要求，QR code 系統總係無得選擇!或者好麻煩先完成！
蕃茄，菠菜，南瓜同扁意粉都唔係我喜歡菜色，唔洗擔心係意粉屋總有辦法煮到令我喜歡.
海鮮蕃茄忌廉湯蕃茄嘅酸味唔重，而忌廉味較強，對於唔中意蕃茄味嘅我當然開心，反而意大利菜湯更酸，唔啱我飲.
從來唔中意菠菜果種菜澀味，扁意粉闊條麵同粗身意粉亦都唔係我飛佛，但哩碟三文魚菠菜香草忌廉汁扁意粉，忌廉汁又發揮作用，濃郁嘅芡汁蓋過哂菠菜澀味，而菠菜又切到極碎，減底咗唔少菜澀味，扁意粉沾滿忌廉汁變得惹味，反而三文魚咸咗D，減咸一半更夾自己口味.
唔理幾有益幾有營養，南瓜係我討厭食物，不論味道同口感都唔中意，所以從未買過，但每次去意粉屋食南瓜，不論南瓜汁或南瓜湯，都有驚喜，今次亦唔例外，南瓜汁極惹味，可能南瓜落得唔多吧，牛臉肉極鬆軟，無牙都食到，只係味道甜咗D.
甜品蛋白檸檬撻味道甜中帶酸，但酸得嚟又好惹味!
以前 Dinner set 無甜品，今次有改善.
ps : 我同小熊坐嘅位置，對面有幅藝術畫，食咗成餐晚飯，都唔知係咩，畫中上方好明顯係D香港島嘅 Building，但右下方果堆係咩?
小熊話 "藝術嘅嘢你識條鐵咩....."
111 views
0 likes
0 comments
Post
