八沢 (Closed)

同行友人從報道上得知有家兩夫婦開設的烏冬麵店，由筲箕灣開業不被看好到努力不懈成功在上環開設分店的故事。 星期六由於需要港島區辦事，特別過來試一試。餐廳在上環新紀元廣場一樓，坦白說如果從新紀元廣場德輔道一邊進入厦，幾乎無法通往，所以記得皇后大道中那邊過去。餐廳很細，大概有十幾張枱，周末中午時段過去不用等位，但相信平日返工日子午飯時間應該人會很多。牆上畫滿日本風味彩繪。同行友人很喜歡柴犬黑松露忌廉海鮮烏冬有黑松露、魚、帶子。個人認為海鮮嘅餸可以多少少種類，忌廉湯係夠味嘅，但係有少少滯。廣島蠔肉碎烏冬入面好驚喜，有4隻新鮮肥美嘅廣島蠔，湯底好鮮甜，清清地可以飲晒成碗，但係幾樣野放埋一齊成個配搭又好似冇乜特別，叫做不過不失。結論係小店努力值得嘉許，但係山長水遠特別過來的朋友，就未必會第二次過嚟了。