越色牛肉粉餐廳 (Closed)

係香港搵間好食既越南粉真係好難，係澳洲是旦一間都好食過香港既... 係唔知點解，食唔到個陣味，就算錦麗(真係唔多鍾意，鬼死咁多味精)都唔得! 呢間係我係香港止癮既其中一間!以前係銅鑼灣返工，由燈籠街已經開始食佢，之後搬左去蘭芳道，都係keep住一個星期最少食一次XD家下離開左銅鑼灣，我間唔中都會食佢. 個日因為有事要係銅鑼灣做，成日都處於一個精神好緊張既狀態，食又唔係好想食就諗起呢碗comfort food! 所以只係是旦叫，純粹為個湯XD其實我想話隔離兩位阿姐叫左個應該係燒牛肉，我目測燒得好靚，亦好香,點知佢地嫌裡面生(我又好8婆咁望到，其實係pink pink地，好靚)，咁但係人人接受能力唔同，我明，佢地同waiter講話生要再煮，我心諗.. 唔係啊... 好啦waiter好好禮貌咁真係攞入廚房再整，再攞出黎，個面燶過之前，但我見都仲ok,佢地食個時，就話嘩! 咁硬口食啊？ 我真係唔明... 明明係你自己叫人再翻整，翻煮就一定會un左，魚都係咁啦... 食越南野食生牛肉是常識吧，但個碟真係唔算生，真心替間餐廳唔抵!