Video
Read full review
2020-07-03
600 views
每次去食親豬扒麵同魚蛋粉，姨媽佢一定會叫李記嘅奶茶同西多士～奶茶的確好香滑，但我會覺得西多士比奶茶更加驚豔🤩 細個個陣我覺得出面啲西多士應該間間都好似李記咁～跟返父母生活先知原來呢個味道係出面食唔到～所以我而家淨係會食李記嘅西多士，無食出面嗰啲～⠀⠀🧈西多士🍼$18⠀★我食開係奶油多～佢係會落牛油同煉奶喺表面⠀★即叫即整，每次都可能等10幾分鐘～目前每次食佢都係熱辣辣同金黃色🤩⠀★佢個西多士係整得超軟熟，入面好軟綿綿，但你用叉壓落去，佢又會好似海棉蛋糕咁彈返上黎🤩好鬆軟🤤⠀★ 唔會乾身，長期表面都鋪滿好多煉奶，所以個西多士入晒味～😍 ⠀（爆醬咁款😂）★質感其實有少少似法式多士（甜品，L_K嗰種），但佢個皮呢就冇咁硬同冇咁乾，比法式多士更濕潤軟稔⠀★但係！佢唔係成個軟淋淋，佢表層都有一層薄薄嘅脆皮～佢唔似出面啲西多士個表皮咁厚～有啲個表皮好厚嘅反而會炸到硬哂好難食～但佢就薄薄一層，口感更好，而且比起厚身嘅無咁油膩⠀★佢唔同出面嘅西多士，佢入面唔會有花生醬～但我覺得就咁煉奶同牛油已經夠味，加埋花生醬反而可能更加漏，同埋令到味道過份複雜，蓋過牛油味同煉奶⠀睇到幅圖，你可能會覺得：咁得煉奶同牛
⠀
🧈西多士🍼$18⠀
★我食開係奶油多～佢係會落牛油同煉奶喺表面⠀
★即叫即整，每次都可能等10幾分鐘～目前每次食佢都係熱辣辣同金黃色🤩⠀
★佢個西多士係整得超軟熟，入面好軟綿綿，但你用叉壓落去，佢又會好似海棉蛋糕咁彈返上黎🤩好鬆軟🤤⠀
★ 唔會乾身，長期表面都鋪滿好多煉奶，所以個西多士入晒味～😍 ⠀（爆醬咁款😂）
★質感其實有少少似法式多士（甜品，L_K嗰種），但佢個皮呢就冇咁硬同冇咁乾，比法式多士更濕潤軟稔⠀
★但係！佢唔係成個軟淋淋，佢表層都有一層薄薄嘅脆皮～佢唔似出面啲西多士個表皮咁厚～有啲個表皮好厚嘅反而會炸到硬哂好難食～但佢就薄薄一層，口感更好，而且比起厚身嘅無咁油膩⠀
★佢唔同出面嘅西多士，佢入面唔會有花生醬～但我覺得就咁煉奶同牛油已經夠味，加埋花生醬反而可能更加漏，同埋令到味道過份複雜，蓋過牛油味同煉奶
⠀
睇到幅圖，你可能會覺得：咁得煉奶同牛油咪好滯同好漏？一定甜死啦😅⠀
★唔鍾意食太甜嘅我可以同你講：味道唔會好甜～可能因為煉奶唔同糖漿，佢真係唔會太甜/死甜～同埋我覺得佢個煉奶係溝稀左，比一般煉奶更要滑溜～所以就算佢鋪咁多喺面，都真係唔覺得太甜⠀
★同埋溝埋啲有少少鹹味又溶溶地嘅牛油一齊食，個牛油都可以平衡返個煉奶嘅甜味～真係有甜而不膩嘅感覺😍 （建議三樣野真係要一齊食，咁先最好味）⠀
⠀
其實乾身嘅西多士通常都會俾人一種油膩嘅感覺，但呢個西多士係好濕潤～我每次食完都無一種食咗炸嘢嘅感覺😂 唉好想佢快啲裝修完，見豬扒麵嘅uncle,李記嘅aunties同爆炸頭哥哥（嗯其實佢而家已經唔係爆炸頭同好少喺鋪頭😂）畢竟由細食到大😂佢地都記得我地呢啲熟客仔～ ⠀
西多士
$18
118 views
0 likes
0 comments
Post
