居食屋「和民」 (Closed)

因為以前補習的緣故，所以完左補習就會同啲同學仔一齊食太子和民食飯，今次約返呢班同學仔，當然係去下我地的舊地方都食飯啦。我就揀左食呢個牛肉壽喜炒加烏冬，呢個牛肉壽喜燒的牛肉不算太少，而且墊底的娃娃菜都唔少，配菜有埋冬菇、蘿蔔等，令人更加有滿足感。壽喜燒的湯底有少甘甜，同埋清清地，比娃娃菜吸左，更加好食，加上因為煮肉的緣故，慢慢地湯底就多左牛肉，鍾意牛的朋友一定會鍾意，跟埋烏冬食真係一絕，而且佢有一隻蛋，可根據自己喜好而選擇幾時落，我就鍾意打落碗烏冬到，再淋湯，半熟的蛋好似更香更滑。