天馬快餐 (Closed)

呢間屋村快餐由細食到大，雖然曾經轉過手，但餐牌和食物味道沒有太大變化。自己最鍾意食呢度嘅豬扒包餐($33), 跟餐有薯條和飲品，算幾抵食。炸豬扒大大件，大過個包唔少，炸得好香脆又唔算太油，厚身得黎但唔韌。個包都煎過下，加上沙律醬和生菜絲，好完美。跟餐的炸薯條炸得耐左D, 焦脆但夠晒熱氣。而羅宋湯就好地道港式，夠鹹夠辣重口味，仲有好多蔬菜夠足料。