小巴黎越南餐廳 (Closed)

屯門嘅小巴黎係我由細食到大嘅餐廳，以前佢得一間喺屯門市廣場，而家已經搬咗，分別有兩間，一間係喺華都商場嘅地下，另外一間就係新墟。佢呢度嘅最受歡迎菜式一定係香茅豬扒同埋香茅雞翼，佢呢度嘅味道只有呢度先至食到，喺其他地方都食唔番呢個味道嘅，而且佢嘅豬扒係非常非常之軟熟，好容易咬開！另外我哋仲叫咗沙嗲串燒，揀咗雞肉同埋牛肉，沙嗲味非常之濃郁，不過雞皮比較多！然後我哋仲叫左兩款主食，一個就係沙嗲牛肉飯，另一個就係越式炒粉絲！沙嗲牛肉飯都係非常受歡迎嘅菜式，每次嚟到我哋一定會叫嘅，我哋第一次試越式炒粉絲，佢都有好多配料，份量亦都好大碟，非常抵食！如果喺午市黎嘅話，佢仲有午市套餐，一個粉麵飯，仲可以加配佢嘅特色越南飲品，仲抵呀！