Gioia Charcoal Grill & Oyster Bar (Closed)

Honey週四放假，話想拍拖漫步海旁，所以就定咗喺堅尼地城約會 ，先喺一家開業只有個多星期o既西餐廳「Gioia Charcoal Grill & Oyster Bar」度食晚飯，之後再由西環慢慢行返去灣仔 。兩口子六點半前到步，已見店子較暗o既左手一邊坐有一枱十幾人o既小派對，唔係咁方便四周影相。右邊o既散座則被落地玻璃窗圍繞，光猛得多。中央o既酒吧有多張高櫈，相信係為酒客而設。小情人食西餐，當然係要先開枝汽酒飲啦 ！跟住就每人點咗三道菜。慢煮雞胸凱撒沙律（$98）：沙律爽脆鮮甜。意外地，白裡透粉紅o既慢煮雞胸一啲都唔嚡唔乾，連同沙律食，效果清新輕盈 。白酒車厘茄煮大蜆（$148）：此乃四款廚師推介菜式中其中之一 。大蜆肥嘟嘟，滑lut lut，極之鮮甜肥美。Honey揀飲「大蒜薯仔湯伴海胆」（$98），XO仔因仍為蒜瘋狂 ，故堅決要食「蒜蓉多士配香草白豆醬，松露磨菇醬」。蒜蓉多士配香草白豆醬，松露磨菇醬（$48）：蒜蓉多士一客四件，多士條金黃亮澤，香脆鬆化。另加配草白豆醬及松露磨菇醬，細佬身為松露迷，當然淨要後者啦 ！喺蒜香濃郁o既多士面塗滿厚厚o既松露磨菇醬，香潤得