Video
Read full review
2021-12-11
710 views
一直好想寫下呢間餐廳，因為我哋一家可以話係睇住佢「大」。以前呢個鋪位係做私房菜，外型格調喺錦田算係數一數二，尤其進入室內用餐區果度拱形實木門，令餐廳有一份神秘感。一日，餐廳易手，變咗做呢間泰國餐廳。餐廳開鋪初期係抗疫比較嚴峻的時期，我仲記得餐廳只能夠限時限刻營業，有段時間更加只做外賣。喺餐廳開張冇耐，我有機會同狗狗嚟堂食，當時已經覺得佢啲食物好好味，環境又舒服，感覺非常悠閒。後期疫情持續，開始越嚟越多人喺假日入嚟錦田本地遊，政府又容許番堂食，如是者，餐廳就變得好旺場，好好生意喇。今日又過嚟食午餐。餐廳而家雖然生意興隆，不過依然保留優惠午餐，仲要係喺假日都照樣供應。今日點的都係平日都好喜歡的食物同飲品，包括燒豬頸肉飯、喇沙雜菜泰式河粉，跟餐凍泰式奶茶同熱泰式奶茶。狗狗爸爸之前試過呢度的炒飯、串燒等，不過佢最喜歡的午餐都係燒豬頸肉飯。有次我哋同一大班朋友嚟食晏，我哋人多，差唔多點曬餐廳的各款午餐，最後大家都不約而同地覺得呢個燒豬頸肉最好味。我冇食過，好難形容佢的味道，不過推荐大家親自試下呀。喇沙雜菜泰式河粉好足料，基本上成碗粉都俾蔬菜鋪滿表面，你係睇唔到下面的河粉架。湯底甜甜哋，雖然喇沙味
今日又過嚟食午餐。餐廳而家雖然生意興隆，不過依然保留優惠午餐，仲要係喺假日都照樣供應。今日點的都係平日都好喜歡的食物同飲品，包括燒豬頸肉飯、喇沙雜菜泰式河粉，跟餐凍泰式奶茶同熱泰式奶茶。
狗狗爸爸之前試過呢度的炒飯、串燒等，不過佢最喜歡的午餐都係燒豬頸肉飯。有次我哋同一大班朋友嚟食晏，我哋人多，差唔多點曬餐廳的各款午餐，最後大家都不約而同地覺得呢個燒豬頸肉最好味。我冇食過，好難形容佢的味道，不過推荐大家親自試下呀。
燒豬頸肉飯
23 views
0 likes
0 comments
喇沙雜菜泰式河粉好足料，基本上成碗粉都俾蔬菜鋪滿表面，你係睇唔到下面的河粉架。湯底甜甜哋，雖然喇沙味唔似得馬來西亞喇沙咁香濃，但都好味道。好多時出街點雜菜，上檯都可能只得3、4款，呢度就起碼有椰菜、芥蘭、紅蘿蔔、菇、豆卜、雞蛋等。我仲記第一次嚟食，老闆娘端出喇沙，然後佢自己都忍唔住話：「廚師真係好重手喎！」到今時今日，價錢冇乜點加過，但啲料依然咁足，真係好正！
喇沙雜菜泰式河粉
19 views
0 likes
0 comments
喇沙雜菜泰式河粉
17 views
0 likes
0 comments
最後講下一凍一熱的泰式奶茶。呢度的奶茶係必飲，因為有獨特的香料味。凍飲的話，喺最近幾次嚟食嘢，我哋發覺餐廳特登雪咗啲由奶茶整成的玫瑰花型冰塊，將佢放喺每一杯凍奶茶度，令佢睇落更靚。有次凍奶茶送到，隔離檯的食客都話下次一定要點嚟試下。熱飲的話，我覺得一樣咁正，只係用嚟「打卡」就平凡啲。
凍泰式奶茶
8 views
0 likes
0 comments
熱泰式奶茶
11 views
0 likes
0 comments
大家嚟開錦田，記得嚟試試喇！
Post
