Video
Read full review
2019-03-13
2057 views
如果今餐要諗一個形容詞，就係嫩滑！開頭分別嗌咗三個餸，分別係：巴東牛肉、爪哇醬燒雞、沙嗲燒魷魚，後來再追加一個海南雞飯。食印尼菜，最基本一定要叫巴東牛肉，我諗印尼人煮巴東牛肉就等於廣東人嘅炆牛腩一樣咁基本。牛肉可以話用入口鬆化嚟形容，肉質煮得完全透心，完全沒有半點韌，雖然唔完全肯定醬料用咗什麼香料的組合，但就係非常惹味，係印尼食物嘅獨有香料味道！爪哇醬燒雞醬料嘅味道，其實同巴東牛肉嘅味道有啲相似，雞肉同樣非常嫰滑，細細力就可以將雞肉撕開，燒烤過嘅雞皮，喺滿滿嘅醬料掩蓋下非常入味！到沙嗲烤魷魚，同樣非常神奇，魷魚外面已經烤到好香口，但咬落裏面完全又係好嫩滑，究竟係點樣做到嘅呢？而今次配上一啲類似豉油再加咗佐料嘅醬汁，味道鹹鮮帶甜亦非常好味，食食吓竟然喺醬油裏面食到有蝦毛乾，非常有趣，就係鹹鮮味道嘅由來！最後口痕，叫多一個海南雞飯，雞肉同樣係非常嫩滑。講真，真係嫩滑到有啲悶，好似餸與餸之間除咗醬料味道唔同之外，口感就一模一樣，所以由開頭嘅驚喜，到最後有啲悶。佢哋嘅海南雞係冇骨嘅，但最驚訝嘅地方係，連雞翼都拆埋骨，會唔會太勁！？另外就係酸瓜，醃得酸甜好平衡，好爽口！正！碗飯亦有少少驚喜，有非
巴東牛肉
78 views
0 likes
0 comments
食印尼菜，最基本一定要叫巴東牛肉，我諗印尼人煮巴東牛肉就等於廣東人嘅炆牛腩一樣咁基本。牛肉可以話用入口鬆化嚟形容，肉質煮得完全透心，完全沒有半點韌，雖然唔完全肯定醬料用咗什麼香料的組合，但就係非常惹味，係印尼食物嘅獨有香料味道！
爪哇醬燒難
54 views
0 likes
0 comments
爪哇醬燒雞醬料嘅味道，其實同巴東牛肉嘅味道有啲相似，雞肉同樣非常嫰滑，細細力就可以將雞肉撕開，燒烤過嘅雞皮，喺滿滿嘅醬料掩蓋下非常入味！
沙嗲燒魷魚
50 views
0 likes
0 comments
到沙嗲烤魷魚，同樣非常神奇，魷魚外面已經烤到好香口，但咬落裏面完全又係好嫩滑，究竟係點樣做到嘅呢？而今次配上一啲類似豉油再加咗佐料嘅醬汁，味道鹹鮮帶甜亦非常好味，食食吓竟然喺醬油裏面食到有蝦毛乾，非常有趣，就係鹹鮮味道嘅由來！
海南雞飯
76 views
0 likes
0 comments
最後口痕，叫多一個海南雞飯，雞肉同樣係非常嫩滑。講真，真係嫩滑到有啲悶，好似餸與餸之間除咗醬料味道唔同之外，口感就一模一樣，所以由開頭嘅驚喜，到最後有啲悶。佢哋嘅海南雞係冇骨嘅，但最驚訝嘅地方係，連雞翼都拆埋骨，會唔會太勁！？另外就係酸瓜，醃得酸甜好平衡，好爽口！正！
海南雞
53 views
0 likes
0 comments
碗飯亦有少少驚喜，有非常香嘅班蘭味，而且帶少少椰香，面頭再加左一啲炸蔥頭，清香之餘又多一份惹味。醬汁方面除咗薑蓉之外，另一碟甜豉油亦好似剛才用嚟點魷魚嗰啲醬汁一樣，配搭雞肉亦好夾！
Sangria
51 views
0 likes
0 comments
最後順帶一提，最唔抵就係叫咗兩杯Sangria，因為附送四大粒正方形冰，所以計返轉頭，扣埋糖水，酒嘅份量非常少，好彩係歡樂時光有特價，咁就算啦！論味道來講，白酒好過紅酒，因為佢選用嘅白酒帶有非常清新嘅花香味，相對紅酒好飲好多。
環境方面，燈光非常柔和，地方寬闊，人唔算多，傾計只需要細細聲就可以，非常舒服！臨走先知，原來係米之蓮推介，但係，啲嘢雖然好食，但又未覺得真係咁米之蓮喎。不過，服務就真係非常好，非常殷勤，個個印尼姐姐都超有禮貌，超有笑容，在香港嘅食肆當中，實在難得一見！
Post
