Video
Read full review
2017-06-10
108 views
近排突然發現，有啲野唔係永恆。日本丸龜製麵收購譚仔，唔多唔少都會影響到譚仔米線本身嘅味道。所以今次特別珍惜食「甲天下正宗桂林米粉」嘅機會。一口氣點左四樣小食：玉林牛巴、麻椒豬爽肚、風味烤魷魚鬚同香煎千頁豆腐。風味烤魷魚鬚：原本以為魷魚烤過會好乾，點知完全唔乾，重好彈牙，保留到魷魚嘅水份，好有鮮味！香煎千頁豆腐：豆腐好薄身，太薄好易會炸到好乾同硬，但估唔到可以炸到外脆內軟，恰到好處。豆腐應該有用鹽水浸過，有少少鹹味吊味。有蔥有辣椒乾做拌碟。玉林牛巴：未食之前純粹睇餐牌完全唔知係咩黎。抱住「咩都試」嘅心態決定點一點黎食。老闆好好，一上菜就主動介紹係廣西小食特產。味道好似豆豉鯪魚，有中藥味，但稍嫌多油。麻椒豬爽肚：同樣有蔥有辣椒乾，重另外加左豆瓣醬。豬肚厚薄程度啱啱好，好有口感。佢嘅辣唔會辣到你味雷麻痺，而係香口，係入到口嘅辣。米線同平時食開嘅味道完全唔同。佢有自己獨特嘅味道。點解會咁嘅呢？睇番d配料就知啦，佢d料好豐富，有花生、酸豆角、肉末、蔥同酸辣筍。謎底終於都解開啦。佢d米線之所以同其他米線鋪唔同係因為有酸辣筍！你會試得出個筍味好特出。D米線腍得黎有口感，不錯！點左桂林米粉同柳州螺螄粉
近排突然發現，有啲野唔係永恆。日本丸龜製麵收購譚仔，唔多唔少都會影響到譚仔米線本身嘅味道。所以今次特別珍惜食「甲天下正宗桂林米粉」嘅機會。
一口氣點左四樣小食：玉林牛巴、麻椒豬爽肚、風味烤魷魚鬚同香煎千頁豆腐。
風味烤魷魚鬚：原本以為魷魚烤過會好乾，點知完全唔乾，重好彈牙，保留到魷魚嘅水份，好有鮮味！
香煎千頁豆腐：豆腐好薄身，太薄好易會炸到好乾同硬，但估唔到可以炸到外脆內軟，恰到好處。豆腐應該有用鹽水浸過，有少少鹹味吊味。有蔥有辣椒乾做拌碟。
玉林牛巴：未食之前純粹睇餐牌完全唔知係咩黎。抱住「咩都試」嘅心態決定點一點黎食。老闆好好，一上菜就主動介紹係廣西小食特產。味道好似豆豉鯪魚，有中藥味，但稍嫌多油。
麻椒豬爽肚：同樣有蔥有辣椒乾，重另外加左豆瓣醬。豬肚厚薄程度啱啱好，好有口感。佢嘅辣唔會辣到你味雷麻痺，而係香口，係入到口嘅辣。
米線同平時食開嘅味道完全唔同。佢有自己獨特嘅味道。點解會咁嘅呢？睇番d配料就知啦，佢d料好豐富，有花生、酸豆角、肉末、蔥同酸辣筍。謎底終於都解開啦。佢d米線之所以同其他米線鋪唔同係因為有酸辣筍！你會試得出個筍味好特出。D米線腍得黎有口感，不錯！
點左桂林米粉同柳州螺螄粉食。桂林米粉比柳州螺螄粉清同較易入口，有好出嘅筍味，少少酸辣，好開胃。柳州螺螄粉比較辣，為味雷帶黎刺激，爽！
食左咁多辣野點都要清一清腸胃，所以我地重點左娃娃菜、生菜和冬菇，d菜落埋去桂林米粉裏面一齊食，即刻覺得好清新健康！
今次土豆賣曬，下次黎一定要試埋土豆小食！
Post
