申子居酒屋

Open Now

Now Closed

掙扎！bookmark咗呢間連杜汶澤都揀嚟慶功嘅居酒屋超過兩年，佢晚晚都full booking咁濟，係近排午市少人啲先食到咋。宜家只要叫一容極上•午市割烹，就可以以半價享用一客嚴選•午市割烹，抵 ‎‎‎˙Ⱉ˙。𖦹 網燒西冷牛扒丼 $109西冷牛扒粉嫩而唔韌，牛香經過網燒後更為突出，很juicy，啲飯撈埋肉汁同吃，滋味。𖦹 申子三式丼：海膽、拖羅蓉、三文魚籽 $298 (半價)魚生新鮮，顏色亮麗，海膽鮮甜唔腥、三文魚籽晶瑩剔透、拖羅蓉入口即溶，好一個高質嘅魚生飯。𖦹 蓬鬆玉子 $98呢個超正！比起平時食開既玉子燒更滑溜、軟熟，用上日本蛋更令蛋香再上一層樓。配上沙律醬、燒汁、蔥花，以及入面嘅芝士，口感綿密濕潤，調味得宜，完全打倒了咁耐以嚟食過嘅所有玉子燒。𖦹 極上鹽燒牛舌芯 $88另一個pick of the day！激厚切嘅牛舌芯肉嫩多汁，彈牙爽口，以鹽、柚子胡椒同檸檬汁稍作簡單調味已經能夠令牛味、油脂香更為突出，推！𖦹 愛米魅柚子酒 $78清新之選，而且唔過甜，好易入口。𖦹 tete umeshu 香草梅酒 $78呢杯酒味濃啲，帶微甜嘅梅子味充斥口腔。