Video
Read full review
2006-01-16
10 views
如果上次桃花源的蛇宴係二千堅尼的話,上周在元朗蛇王如OR 蛇宴gathering,就係打比大賽.今次擺明居馬全蛇宴,十味有七味係蛇.比起平常OR飯局黎講,來得更另類.所以報名人數,不算擁躍,一圍十二人,剛好.地點唔難搵,在大馬路恆香隔離,坐西鐵在元朗站落車,轉輕鐵一個站落車.門面只屬尋常蛇店,一行十二人,統統屈在舖後的房仔內.有點廉價私房菜味道.KC兄在版頭已講左好多,唔洗再講咁多.首先一盅蛇羹,十二個人分仲有突.個蛇羹好足料,全部都是蛇絲,質感非常豐富.份量一人平均可添到兩三碗,而小弟老實不客氣,連吞五碗才夠喉.如果在賽馬術語黎講,頭段步速開到21.8,有如精英大師跑二千四.在頭段極度搶口之後,接下來的炒蛇皮,感覺似係食緊爽滑鯇魚皮.相比之下,蛇皮質感比較厚身.味道,都係差唔多.生炒五蛇球,呢個又係出色,炒得入味.啖啖肉無骨.比起遠親炒鱔球,更加好吃.熱辣辣蛇腩煲也不俗,其後個蛇內臟,有蛇潤,蛇腸,蛇肚等用荷蘭豆炒,個人最愛係個潤,無論味道,口感.同雞潤一樣,來得非常甘香.個人對動物肝臟,一向興趣極大,雞鴨鵝牛豬.完全正中下懷,尤其黃沙潤,用來做生滾粥,天作之合.蛇丸就屬普通,食味似
今次擺明居馬全蛇宴,十味有七味係蛇.比起平常OR飯局黎講,來得更另類.所以報名人數,不算擁躍,一圍十二人,剛好.
地點唔難搵,在大馬路恆香隔離,坐西鐵在元朗站落車,轉輕鐵一個站落車.
門面只屬尋常蛇店,一行十二人,統統屈在舖後的房仔內.有點廉價私房菜味道.
KC兄在版頭已講左好多,唔洗再講咁多.首先一盅蛇羹,十二個人分仲有突.個蛇羹好足料,全部都是蛇絲,質感非常豐富.份量一人平均可添到兩三碗,而小弟老實不客氣,連吞五碗才夠喉.如果在賽馬術語黎講,頭段步速開到21.8,有如精英大師跑二千四.
在頭段極度搶口之後,接下來的炒蛇皮,感覺似係食緊爽滑鯇魚皮.相比之下,蛇皮質感比較厚身.味道,都係差唔多.
生炒五蛇球,呢個又係出色,炒得入味.啖啖肉無骨.比起遠親炒鱔球,更加好吃.
熱辣辣蛇腩煲也不俗,其後個蛇內臟,有蛇潤,蛇腸,蛇肚等用荷蘭豆炒,個人最愛係個潤,無論味道,口感.同雞潤一樣,來得非常甘香.個人對動物肝臟,一向興趣極大,雞鴨鵝牛豬.完全正中下懷,尤其黃沙潤,用來做生滾粥,天作之合.
蛇丸就屬普通,食味似爐端燒的雞丸.
佐酒佳品椒鹽蛇碌,感覺似咬鴨舌,無甚肉質,取其口感,是夜無人叫啤酒,點都係略有所失.椒鹽菜式無啤酒作陪襯,那像話?
去到六百米段柱時候,到隻清遠雞上場.雖然隻雞唔肥,但雞味絕對囉滿分.可話係是夜之Bonus.因為眾人之前,無對呢隻雞有任何期望的.
坊間蛇店ABC餐,實有得比你揀的糯米飯,同鐵膽的油菜.呢類街坊蛇店,收你幾草野一個餐,何來有臂力同你生炒糯米飯?可幸地,個糯米飯煮得唔油lum lum,夠晒均勻.油菜來講,近水流台先得月,地理環境之優勢關係,郊外油菜,此言非虛.菜心碧綠爽脆.在市區都幾難搵到.
入到最後直路,理應到美點雙輝歡樂今宵時間,突然殺出一盅大補湯,用到竹絲雞,龜,蛤蚧,蛇燉.真真正正大龍鳳.湯底清徹見底,味道鮮甜,就算去到呢個階段,已成強弩之末.鼓餘其勇連吞兩碗.個人頓時上晒火.
食蛇宴,酒一定少不了,食友Cicely的匈牙利白酒,易入口,夠fruity.喝得過.身邊去過布達佩斯的朋友,除左愛上肝醬同牛肉湯外,仲有白酒.
蛇膽酒,才是主角,但我真接受不到此味道.一小杯就夠.叫做試過下,一次就夠.下次帶支Absoult出黎,或者更加盡興.
套用名球評家黃興桂金句:"蔗渣價錢,燒鵝味道.一個字--精采."
寄望年尾再來一次.
Post
