Video
Read full review
2019-12-01
251 views
沙田禾輋陳根記大排檔被沙田朋友食到出晒名，最開心就係而家連大埔遊都有得食啦！最近交通經常有變化，我都係喜歡去同區搵食，免得食完飯冇車返屋企。搵食年資有返咁上下嘅人都知道，冬菇亭係好有風味，全香港所餘無幾，不過好多已經裝修成有冷氣嘅冬菇亭，熱烈氣氛仍在，坐得又舒服啲！今次喺大埔墟食「饑落亭」，環境乾淨企理，店內嘅海報設計亦有不少禾輋陳根記的影子，充滿回憶！菜式選擇多價錢依舊不變，夠哂鑊氣，抵食過酒樓。店員姐姐非常熱心，推介了多款招牌菜。《Wasabi 蟹子手撕雞 》$90例牌份量都好大呀！望落去雖然見唔到Wasabi 綠色，一入口食到十分刺激攻鼻，蟹子入口卜卜聲，招牌手撕雞 啖啖肉，嫩滑多汁。《川味腩片豆腐煲》 $79男人的浪漫，豆腐火腩飯。千萬唔好睇小呢個川味腩片豆腐煲，煲仔菜上枱熱辣辣，麻辣味十足，腩片肥瘦交雜，豆腐外脆內軟，惹味呀！《金湯酸菜魚 》$110天氣開始涼，食酸辣野特別開胃，金湯味道就好似鮮魚湯一樣咁甜美，酸菜有咬勁，魚肉薄薄的生熟度剛剛好，食落夠嫩滑還有少少魚骨；一啖湯一啖肉仲有啲配菜，回味無窮！《蠔仔粥 》$35老公喺門口已經話要食生滾粥，冇食到豪餅就一於食一碗豪仔粥
搵食年資有返咁上下嘅人都知道，冬菇亭係好有風味，全香港所餘無幾，不過好多已經裝修成有冷氣嘅冬菇亭，熱烈氣氛仍在，坐得又舒服啲！
今次喺大埔墟食「饑落亭」，環境乾淨企理，店內嘅海報設計亦有不少禾輋陳根記的影子，充滿回憶！菜式選擇多價錢依舊不變，夠哂鑊氣，抵食過酒樓。店員姐姐非常熱心，推介了多款招牌菜。
《Wasabi 蟹子手撕雞 》$90
例牌份量都好大呀！望落去雖然見唔到Wasabi 綠色，一入口食到十分刺激攻鼻，蟹子入口卜卜聲，招牌手撕雞 啖啖肉，嫩滑多汁。
《川味腩片豆腐煲》 $79
男人的浪漫，豆腐火腩飯。千萬唔好睇小呢個川味腩片豆腐煲，煲仔菜上枱熱辣辣，麻辣味十足，腩片肥瘦交雜，豆腐外脆內軟，惹味呀！
《金湯酸菜魚 》$110
天氣開始涼，食酸辣野特別開胃，金湯味道就好似鮮魚湯一樣咁甜美，酸菜有咬勁，魚肉薄薄的生熟度剛剛好，食落夠嫩滑還有少少魚骨；一啖湯一啖肉仲有啲配菜，回味無窮！
《蠔仔粥 》$35
老公喺門口已經話要食生滾粥，冇食到豪餅就一於食一碗豪仔粥啦！大大碗粥裏面滿滿的蠔仔，粒粒肥美飽滿，粥底鮮甜。
《招牌糯米飯 》$18
秋風起食臘味，招牌糯米飯香味撲鼻，軟糯口感非常好。
《一蚊菜式》
阿姐真係好貼心喎！原來不斷有好多優惠話比我哋知，食滿$320 加一蚊就可以有一隻乳鴿，新鮮熱辣辣，皮脆肉嫩多汁，忍唔住要落手食。
《是日甜品》
食滿$90 可以$8加一杯甜品，正價要$28 㗎！我哋就揀咗芒果布甸同埋椰汁糕，完美的結局。
喺大埔想食地道風味大排檔又多一個選擇了。
Post
