劉記海鮮飯店

Open Now

Now Closed

叫咗九樣菜同幾支啤酒埋單都只係$1200，仲要每個菜式都大大碟，而且每碟只係平均$100左右。份量真係好夠食，尤其是啲蝦多到不得了，啲螺都係，都數唔到有幾多粒。條魚都只係130幾蚊，講緊真係好少可以食到咁大條，而且啖啖肉。個芥末牛柳粒幾惹味，個炒麵一上到枱好香，仲有碟炒雞柳粒，上面好多配料，有腰果、菜脯、蝦乾等等，送酒就一流。整體嚟講食物質素唔錯，而且大大份，係幾抵食。難怪呢度咁多人，地方好大，但係座無虛席。