泰屋 (東成里) (Closed)

食嚟食去都係銅鑼灣、灣仔和尖咀，想比個驚喜男友，諗咗好耐，終於決定嚟泰屋，貪其resort環境和風味食物。交通尚算方使，與西鐵站相隔只是步行距離。我訂了室內位，因為怕蚊。可能附近有農田，整個泰屋範圍充斥着「牛屎」味，個人認為都係室內位好坐喲。我們沒有理會menu上的食物，專攻海鮮bar的炭燒海鮮。這裡的侍應十分友善，用心地為你介紹食物和烹調方法。我們從海鮮bar枱揀了半打加拿大桶蠔、半打大蜆和一隻有手掌般大的帶子，全部炭燒，原汁原味ma。桶蠔十分肥美，男友食不停；我最欣賞喲大蜆，非常鮮味，保留了少許海水味。帶子略嫌燒過火，邊位較韌。甜品要了芒果黑糯米，熱辣辣的黑糯米帶少許甜味，同超甜芒果一齊食，一絕！非常滿意的一餐，服務、環境、食物皆是。