Video
Read full review
2020-11-21
1289 views
今日係銅鑼灣行下街，行下行下行到去天后，如果係地鐵站行3-5分鐘左右，有棟新開嘅金輪新天地嘅大廈，上面3樓新開左間大etna，食西餐。一入到去氣氛好舒服同埋都算大地方，而且仲有outside可以坐，不過食晚飯就perfer坐入面，飲野傾計就prefer坐出面，都好有mood。今次係黎食生日飯，食少少特別D嘅野，我地order左3個starter，2個main dish，2個dessert同埋2杯野飲。Starter:Boneless 7 Spice Chicken Wings - yuzu gremolata $118好好食，雞翼好貼心咁去左骨咁燒，而且3串2個人都好夠食，加上個辣汁好特別，好惹味，雞翼出色！Tuna Carpaccio - smoked artichoke, mustard oil, red pepper juice $158呢一個真係好有驚喜，吞拿魚加埋碟邊個汁，好好味！唔會好膩，而且魚嘅鮮味好出。日本西菜嘅fusion真係好正，加上餐廳好似係改良左個汁，做左個fresh D嘅汁所以食落去真係一舊係口好回味個感覺。如果唔怕食魚生真係要叫一次去食，真係一試
一入到去氣氛好舒服同埋都算大地方，而且仲有outside可以坐，不過食晚飯就perfer坐入面，飲野傾計就prefer坐出面，都好有mood。
今次係黎食生日飯，食少少特別D嘅野，我地order左3個starter，2個main dish，2個dessert同埋2杯野飲。
Starter:Boneless 7 Spice Chicken Wings - yuzu gremolata $118
好好食，雞翼好貼心咁去左骨咁燒，而且3串2個人都好夠食，加上個辣汁好特別，好惹味，雞翼出色！
Tuna Carpaccio - smoked artichoke, mustard oil, red pepper juice $158呢一個真係好有驚喜，吞拿魚加埋碟邊個汁，好好味！唔會好膩，而且魚嘅鮮味好出。日本西菜嘅fusion真係好正，加上餐廳好似係改良左個汁，做左個fresh D嘅汁所以食落去真係一舊係口好回味個感覺。如果唔怕食魚生真係要叫一次去食，真係一試難忘。
Warm Poached Prawns - lemon oil, chilli jam, raw zucchini $158大蝦都整得好好食，好有驚喜，而且starter真係比較特別同埋用左檸檬油，會fresh啲！比起用橄欖油個油膩感會冇咁重。雖然影左陣相凍左少少，不過都好好食。
整體呢幾個starter都好滿意！😋👍🏻
Main Dish:Seafood Bouillabaisse - sea bass fillet, clams, shrimp, lobster broth $ 328
用龍蝦湯做湯底，加埋大蝦，蜆，魚同埋有D豆蔬菜做配菜好入味，不過男朋友唔係太中意食豆，我就連D配菜都食埋。龍蝦湯好濃味，而且大蝦肉質都好新鮮，最後我地飲曬個湯，好食！
Brant Beef Tri Tip Steak - oregano-tomato, dates $398五成熟牛肉好淋身，而且好有牛味！雖然份量唔太多，不過食下食下都幾夠飽，同埋個D配菜都好好食，解左平時食肉果款膩嘅油脂感，肉質真係幾唔錯！
DessertSicilian Cannoli $78
外面皮由炸出後整成，捲住牛油果雪糕餡，加埋少少牛油果嘅脆脆，口感幾特別！加埋我地第一次食呢一款甜品感覺好新鮮，因為平時都係食cake果D，呢一個真係好特別，而且又唔係好膩。女朋友好鐘意！
Rhum Baba $88Rum酒加埋熱情果汁，呢一個男朋友就好中意，酒味嘅甜品食落好特別，雖然酒精味唔係好濃，加埋熱情果同cream，係一個好特別嘅match。
Drink野飲唔記得左叫咩名，一杯係Lemonade另一杯唔記得左，有D橙味，幾女fresh，影相又靚，相當吸引。
Overall嚟講係地鐵站行幾分鐘就到，相當方便，而且位置都比較清靜，同朋友黎傾下計可以坐outside好有情調，而坐inside都好有feel，倆口子真係黎拍下拖，又唔係太熱鬧嘅地方，真心一定會再黎！
Post
