Video
Read full review
2008-05-21
11 views
我既第1篇食評~亦係呢間野既第一個食評~我同我既肥豬男朋友同樣為食，成日都o係openrice睇有咩食，只要好味，遠一遠都會去試~今晚肥豬25歲生日，我又再周圍search，o係某forum見到呢間cafe，都好似唔錯咁，就唸住試下喇~見到forum話間野地方唔大，得五六張檯，所以12點幾打去book位。電話既另一端係一位男士，我話想book今晚7點，仲同佢講想要個靚d既位，佢一口答應左，我再三請佢比個靚d既位我，因為今日係男朋友生日，佢仲問我洗唔洗幫我安排一d特別既dessert或者cake，又好耐心咁介紹佢地既dessert，o係未去之前已經比左個好好既印象我喇~去到(其實都有少少難搵)，佢地比左兩個位我選擇~然後就拎menu比我地睇，果到有個笑容甜美既女士(我估係老闆娘掛)，好有禮貌又好細心，見我著褸就會問我洗唔洗較細d個冷氣，呢到既service令我同男朋友全晚都覺得好pleasant^^入正題講野食，我地點左兩個set~個set有3個appetizer，一般啦，不過賣相好精緻。然後到番茄濃湯，好好味呀，我之前o係forum見到佢地個南瓜湯好多人讚，當知道今晚唔係南瓜湯都有d失
我同我既肥豬男朋友同樣為食，成日都o係openrice睇有咩食，只要好味，遠一遠都會去試~今晚肥豬25歲生日，我又再周圍search，o係某forum見到呢間cafe，都好似唔錯咁，就唸住試下喇~
見到forum話間野地方唔大，得五六張檯，所以12點幾打去book位。電話既另一端係一位男士，我話想book今晚7點，仲同佢講想要個靚d既位，佢一口答應左，我再三請佢比個靚d既位我，因為今日係男朋友生日，佢仲問我洗唔洗幫我安排一d特別既dessert或者cake，又好耐心咁介紹佢地既dessert，o係未去之前已經比左個好好既印象我喇~
去到(其實都有少少難搵)，佢地比左兩個位我選擇~然後就拎menu比我地睇，果到有個笑容甜美既女士(我估係老闆娘掛)，好有禮貌又好細心，見我著褸就會問我洗唔洗較細d個冷氣，呢到既service令我同男朋友全晚都覺得好pleasant^^
入正題講野食，我地點左兩個set~個set有3個appetizer，一般啦，不過賣相好精緻。然後到番茄濃湯，好好味呀，我之前o係forum見到佢地個南瓜湯好多人讚，當知道今晚唔係南瓜湯都有d失望，但係喜出望外既係個番茄濃湯都好好味呀~湯飲完，就到main dish喇，我要左個露荀小雲吞，男朋友要左個青檸汁燒雞~個小雲吞其實好大架，都有成七八粒，同埋有d滯。個燒雞就好好味喇，個汁甜甜地，好開胃~食完就飲埋杯drink，我要左棒子朱古力，男朋友要左latte，ok啦，不過甜左d~到甜品喇，跟set個甜品拼盆又係好精緻，個小tiramisu意外地好味!!我地兩個都lum lum利~另外，因為男朋友生日，special request左個brulee，我食左兩啖，因為太飽喇，不過brulee個面真係做得好好呀~!!
全晚都好滿足，仲同笑容甜美既老闆娘講話我會為今晚寫食評tim~哈哈!!如果唔係聽日要返工，我實會坐耐d架~有d食物冇影相呀，因為我地為食既關係，次次d野食黎到我地就手起叉落，通常食到一半先記得未影相....
可改善既地方，係佢地既洗手間，可以乾淨d既~
老闆娘，如果你睇到呢篇食評，記住係我呀，今晚7點果個范小姐同埋我個肥豬男朋友呀^^
總括黎講，呢到食物ok，價錢ok，service一流!!
p.s. 希望個肥豬男朋友生日快樂，我地會一齊慶祝以後每一個生日，直至100歲~
Post
