Sodam Chicken (Closed)

早前收到Sodam Chicken 中環店嘅試食活動邀請，所以就約埋另外三位朋友一齊去食晚飯。我地order咗一個二人鹹蛋黃炸雞套餐，食物包括鹹蛋黃炸雞同蜜糖芥末炸雞各五件(另外有其他口味選擇)、水冷麵同炸薯條，仲包兩杯飲品。因爲我地有四個人，所以額外再order咗一個辛辣焗雞同墨魚炒年糕。先講炸雞嘅味道~炸雞嘅外皮炸得好脆，而且調味都夠濃味，我個人覺得最好味嘅係蜜糖芥末炸雞，因爲味道甜甜辣辣，食落唔會太膩；其實鹹蛋黃炸雞味道都相當唔錯，好香口，食到有一粒粒鹹蛋黃，不過味道比較濃，所以未必食到好多件，不過一大班朋友share就可以小吃多滋味！炸薯條都好味，上面加咗紫菜碎夠惹味~ 至於辛辣焗雞辣椒味好濃，係香口嘅，肉質都好嫩滑，不過我個人認爲辣咗少少 ~ 墨魚炒年糕嘅配料好豐富，墨魚爽口，年糕有嚼勁但係又唔會太硬，辣度剛剛好，相當唔錯！飲品方面我地order咗Apple cider、青蘋果啤酒、水蜜桃啤酒同Lemonade。水果啤酒嘅味道都唔錯，不過略顯水果味唔夠濃，其他飲品嘅味道就不過不失喇~ 不過值得一讚嘅係餐廳提供好多種類嘅飲品任君選擇！整體黎講，我覺得呢間餐廳嘅食物質素同環境都