Video
Read full review
2017-11-01
103 views
刺身種類繁多，計有挪威三文魚，深海吞拿魚，加拿大鱈場蟹腳，北寄貝，甘海老，鮮赤貝，帶子，希靈魚，鮑魚片，日本空運油甘魚，泰式虎蝦同極大赤蝦刺身一共十二款咁多，真係每樣試兩塊都已經飽咗一半；加拿大鱈場蟹腳未見太甜，唯獨每一啖都飽滿滑嫩，充滿住鹹鮮既海水味道；北寄貝刺身肉質較有咬口，主要以醬油青芥調味；極大赤蝦刺身爽口彈牙，蝦身隻隻都粗過手指公，近蝦頭既蝦膏蘊藏量極豐；鮮赤貝刺身鮮味無比，絕對要係新鮮貨先至做到。帕爾瑪火腿沙律，第一次喺放題食到貴價既帕爾瑪火腿，用帕爾瑪火腿嚟配襯沙律個效果都唔錯，有陣時我唔鐘意食菜就係因為啲菜無味，不過呢個沙律新鮮清脆，既有胡麻沙律汁既相伴，更有帕爾瑪火腿既鹹香襯托，而帕爾瑪火腿選料上乘，塊塊既油花都相當豐富，呢個項目，我encore咗兩次。清新薑果醬油甘魚壽司，薑果醬油甘魚壽司賣相新穎，果然不愧與創作壽司為鄰，薑果醬除咗有清淡既薑味之外，彷彿仲帶點牛油果既意味，加條香葱做點綴，好睇又好食。火炙左口魚壽司，左口魚經過火炙之後魚油被悉數迫出，一入口甘香肥美，加上火炙既焦香，我視之為一件有鑊氣既壽司。露荀惹味燴鮑魚，我選呢個為最美味既熱食，鮑魚唔會覺靭，連心入
刺身種類繁多，計有挪威三文魚，深海吞拿魚，加拿大鱈場蟹腳，北寄貝，甘海老，鮮赤貝，帶子，希靈魚，鮑魚片，日本空運油甘魚，泰式虎蝦同極大赤蝦刺身一共十二款咁多，真係每樣試兩塊都已經飽咗一半；加拿大鱈場蟹腳未見太甜，唯獨每一啖都飽滿滑嫩，充滿住鹹鮮既海水味道；北寄貝刺身肉質較有咬口，主要以醬油青芥調味；極大赤蝦刺身爽口彈牙，蝦身隻隻都粗過手指公，近蝦頭既蝦膏蘊藏量極豐；鮮赤貝刺身鮮味無比，絕對要係新鮮貨先至做到。
帕爾瑪火腿沙律，第一次喺放題食到貴價既帕爾瑪火腿，用帕爾瑪火腿嚟配襯沙律個效果都唔錯，有陣時我唔鐘意食菜就係因為啲菜無味，不過呢個沙律新鮮清脆，既有胡麻沙律汁既相伴，更有帕爾瑪火腿既鹹香襯托，而帕爾瑪火腿選料上乘，塊塊既油花都相當豐富，呢個項目，我encore咗兩次。
清新薑果醬油甘魚壽司，薑果醬油甘魚壽司賣相新穎，果然不愧與創作壽司為鄰，薑果醬除咗有清淡既薑味之外，彷彿仲帶點牛油果既意味，加條香葱做點綴，好睇又好食。
火炙左口魚壽司，左口魚經過火炙之後魚油被悉數迫出，一入口甘香肥美，加上火炙既焦香，我視之為一件有鑊氣既壽司。
露荀惹味燴鮑魚，我選呢個為最美味既熱食，鮑魚唔會覺靭，連心入面都燴到入哂味，露荀仲係bb既狀態，口感十分鮮嫩。
芝麻雞翼，芝麻雞翼佈滿芝麻，入口份外香脆，雞肉肉質嫩滑，醃得入味，唯獨瓊油既時候可能雞疊雞，令部分雞皮將啲油索番轉頭，以致蘸油部份脆度略減。
自家制吉列蠔，由於外層蘸上一層薄薄既麵包糠，吉列蠔份外酥脆，可見既油份要比雞翼嚟得少，廚房對蠔既熟度掌握得啱啱好，蠔肉勁juicy，真真正正係外脆內軟，問侍應攞咗少少沙律醬，食既時候點一點，味道更好。
比目魚西京燒，又係油脂瘋富既朋友，魚肉嫩滑，連埋燒得卜卜脆既魚皮一齊食就最正喇。
木糠布甸，最後嚟到甜品，閒閒都有十幾廿款既選擇，奈何戰鬥力經已無以為繼，未能一一試盡；木糠布甸蛋味香濃，撈埋面頭既木糠，甜甜地，好好味。
總括嚟講今次食到好飽都未試哂所有野，再嚟多次都仲有新野食，正。
Post
