School Food (Closed)

今晚約左班朋友食飯，去到屯門市廣場，諗唔到食咩好🤔，到到都好多人又要等，呢到都要等，但相對上少d人，所以就揀係到食了。😀我覺得幾好味嘅哈哈卷，佢係韓式嘅飯卷，同平時食開嘅日式嘅感覺會有d唔同👍🏼。 之後就係廚師卡邦尼炒年糕，佢個卡邦尼汁整得幾好，而炒年糕都係正常水準，呢個汁同年糕都幾夾。👍🏼之後我地叫左個牛骨清潭面牛、牛鐵鍋飯、脆脆炸雞伴青瓜沙律、炸餃子同火山梳乎蛋。🤤🤤火山梳乎蛋幾特別，佢用個熱嘅鐵板送上黎，上面鋪滿左芝士、煙肉同醬汁。所有食材都好夾。😘不過要食快d，因為底會好易燒焦。好在俾錢個陣留意到某信用卡有折，又慳返啲😍。