重慶劉一手火鍋店 (Closed)

今日同喺銅鑼灣行街，經過知名火鍋店劉一手，諗都唔諗就入去。一行二人坐樓上雅座，幾好坐。餐廳內有醬料吧，配料有好多款提供，另外有一小罐自家製嘅油任取。湯底一邊揀咗重慶麻辣鍋，我本身唔係好食得辣，揀咗小辣但都覺得太辣。好在另一邊揀咗椰子滑雞鍋，味道清清地又帶點甜味，湯底嘅雞肉肉質嫩滑都唔錯。響鈴入口鬆脆。第一次食油炸鬼墨魚滑，喺油炸鬼中間釀咗墨魚滑幾特別，可以當小食咁即食。牛頸脊入口好滑牛味濃。雞肉片煮完雖然有啲嚡，但雞味幾重。芝士魚豆腐好彈牙，咬開啲芝士流出嚟好好食。水果茶味道酸中帶甜，感覺清涼又健康。