南北小廚

Open Now

Now Closed

啲Aunt 話試下科大入面既茶樓，話好抵食喎。價錢未睇到就睇到家陣既電子化。話說我一坐低就好似平時咁叫人地俾點心紙我，點知佢地放低左呢張紙。要用QR Code 先可以落單！如果我無呢個apps, 又或者我太老唔識用咁點算呀？講返d 點心，好多老式點心。鳳爪排骨飯唔計，竹筒既，細細份。燒賣無出面既咁好味，唔知係無味精定係佢既肉係切粒既。薑蔥牛柏葉好多地方無得食。佢係白柏葉，但係薑蔥都好入味。牛孖根唔係好濃味，無左舊式既味道。咸水角唔油，餡料唔算多。有煙靭既感覺。糯米卷無平時咁甜！蛋散唔油，比較薄身。蜜糖分開上，仲係有桂花味既蜜糖。好味四式糕點以為係咸點，原來係甜品，有咖啡糕、紅豆糕（超正）、桂花糕、西米糕。臨尾再加燻魚，知道係冷盤但係都係覺得凍左d 囉。茶位$5 位真係超抵。今次十一點九到，佢地問我地有無訂位，無就一個鐘還枱。十二點幾又真係好多人響度等位喇。如果泊車入去，$10 首兩小時/小時，其後每小時$50。所以咁快飲茶亦有咁快飲完既好處。