緣聚西日餐廳 (仁愛堂圍) (Closed)

店舖：緣聚西日餐廳晚市放題$273 已加一一間放題的小店有別於大連鎖，裝修具有個人風格。可能因為少人嘅關係所以被安排坐喺四人座位，坐得都幾舒服，樓面收碟俾嘢食嘅態度都好好，值得讚賞刺身類食物都算新鮮，每次叫幾多佢地都會排好同擺乾冰做裝飾，唯一可惜係可能因為成本關係，吞拿魚係用赤身，帶子係細粒既，令到個囗感和滿足感減少左，而且三文魚腩切得太大，如果可以切成一片片就唔會好似食一大舊脂肪甘膩。壽司類就冇咩特別，因為果道並唔係太多特別嘅創意壽司。雪燕糸列應該係佢地唯一同其他放題店有分別的地方。不過佢通常都只係將雪燕放喺壽司嘅上方，味道上冇任何分別，而且雪燕微微帶有酸味，同魚生唔多夾。熟食類都係一如既仼的一般。所以就唔特別講評，雖然呢道有出面放題店冇既火鍋，但可惜係我揀既昆布湯底太甜令所有食物煮完都好甜，所以都不太出色。甜品方面，榴槤雪糕和焦糖牛乳雪糕都幾唔錯，值得一食，雖然賣相差啲不過味道吾太甜，口感都滑，我個人幾鐘意