番本日式放題 (Closed)

今日同朋友去旺角搵嘢食，見到旺中附近有個商場， 3樓全層有日式放題可以食，上到去見到個場好爆好多人，於是排隊入去試下。 入去坐低咗之後，佢問我哋食唔食蒸氣火鍋，之後放低咗個火鍋爐喺度，仲畀咗張火鍋落單請我哋，我哋點咗肥牛片，金菇，章魚花，南瓜片試一試。 個火鍋爐好細個，我哋整咗幾個章魚花試一試，跟住落單紙上面嘅指示，整咗張如花兩分鐘之後食，味道好新鮮。 我哋另外仲叫咗六隻生蠔嚟食，啲生蠔都係放題任叫，但每次每人只可以叫三隻，生蠔嘅味道有三款，味道都幾清新，同幾新鮮。 之後我哋叫咗一壺熱嘅清酒，呢度無論係清酒定係梅酒都係任叫，熱嘅清酒配魚生味道好夾。 之後我哋叫咗魚生，魚生用冰鎮住，我哋叫咗三文魚，希靈魚，甜蝦等等。 另外仲叫咗啲壽司，有三文魚腩火灼壽司，三文魚壽司。 之後仲叫咗炸年糕，湯烏冬嚟試一試，味道都不錯。