番茄師兄

Open Now

Now Closed

今天去了深水埗，見到2 間食店都大排長龍 ，我就食左番茄師兄。點了兩款炸物都好好味，鮮炸腐皮墨魚蝦條 $24，鮮炸魚片頭 $24，原來是用了學利魚蛋，外皮香脆裡面非常彈牙。還有兩款小食，麻香瑞士汁牛筋肉碎 $24，70度慢煮麻辣瑞士汁雞中翼 $28，瑞士汁雞翼好常見，但加了麻辣立即變得不一樣，估唔到甜甜辣辣的竟然好夾。犇犇有禮是配了新鮮牛面頰、牛坑腩和崩沙腩的蕃茄濃湯麵，我選了日式拉麵，還加$5 有炒滑蛋$83。湯底非常精彩，落足料煲出來味道濃郁，牛肉好好味，滑蛋煮得剛剛好，無有任何可以挑剔的地方。另一碗是一貝子$68，有新鮮大花蜆、北海道刺身級帶子蕃茄濃湯米線。花蜆大大隻賣相吸引。調味架上有百里香同麻之一滴，兩款都有試，喜歡加百里香落番茄湯，立即變了西餐的味道，加了一滴麻辣，令蕃茄湯更美味。飲品點了信陽毛尖蜂蜜冷泡茶 $18和檸檬雪梨露 $18，檸檬雪梨露不錯絕對是真材實料，有打成蓉的果肉。