齊魯家宴 (Closed)

唔知點解，食完哩餐嘅味道記憶唔多，反而係對佢嘅擺盤有記憶😓可能味道比我想像中較平凡。黑醋骨同雞絲粉皮係比較值得推薦，係一眾菜式中唯二仲有記憶嘅味道。當中有一道菜係豬腳筋，口感同牛筋係有分別，食落感覺爽身少少同一絲絲嘅質感，但係煮得可能唔夠耐，所以唔係幾入味。有一道菜個樣似咕嚕蝦丸，咬落入面似由蝦滑加粉所組成，唔係彈牙，口感有啲奇怪。甜品嘅高力豆沙望落好吸引，但係內裡得豆沙無香蕉，蛋白層偏厚，唔係想像中咁好食。