Exotica Gelatea (Closed)

喺Time Square附近，被Wagyu Burger 大大隻字吸引到。餐廳佈置帶點華麗，牆上掛畫以小丑同國王為主題，置身其中，仿如置身外國一樣。忙左一整日，完全無食嘢，決定要大擦一餐。揀左Cauldron Burger Set 🍔厚身和牛漢堡扒口感超好、肉汁豐盈、油脂四溢。厚切新鮮蕃茄，正好可以中和牛肉嘅油膩感。最驚喜係個包，塗滿牛油蒜蓉，凈食呢個牛油蒜蓉麵包都夠滿足。Exotical Rose Special 賣相超Fancy，女生/粉紅控必愛。好香嘅玫瑰花味，入口感覺清新，唔會太甜。Standard Yogurt 美味嘅原味乳酪，酸甜交融，令美味昇華，為愉快嘅一餐劃上句號。