Video
Read full review
2023-01-18
537 views
放假嚟西九龍中心逛下，晏晝就順道在商場內搵食。喺 6 樓 foodcourt 見到有間新開嘅 kebab 店「拉合爾烤肉捲」。餐廳主打土耳其菜，有古法烤肉手捲、薄餅、漢堡同小食等供應，選擇好豐富。我哋點咗個夏威夷 Pizza、Chicken Doner、兩個漢堡包同一杯 Mango Lassi。夏威夷薄餅 ($130)：Pizza 即叫即焗，面頭嘅 Toppings 用料十足，有菠蘿、辣肉腸、芝士、紫洋蔥、青椒同橄欖等，拿上手時仍熱燙燙，外緣薄身香脆，食落唔會一口粉，拎起仲有拉絲效果，超邪惡🤤🤤Chicken Doner 配飯 ($65)：烤雞份量不少，雞肉幾嫩滑，帶濃郁香料香，而且最難得係食落仍然保持到 Juicy 嘅口感，配埋面頭個沙律醬，好滋味，用嚟送飯，一流！旁邊仲有沙律菜，營養均衡，夠晒健康。至於兩個 Burger 就點咗雙層芝士雞扒 ($45) 同 魚柳漢堡 ($30)，麵包好軟熟，雞扒香脆有肉汁，配上 double cheese，雙重誘惑，份外滿足。魚柳包味道亦唔錯，魚柳新鮮即炸，外層香脆，內裡魚肉滑捋捋，入口無雪味，加上大量秘製沙律醬、新鮮生菜同番茄，十分可口！另外呢杯
放假嚟西九龍中心逛下，晏晝就順道在商場內搵食。喺 6 樓 foodcourt 見到有間新開嘅 kebab 店「拉合爾烤肉捲」。
餐廳主打土耳其菜，有古法烤肉手捲、薄餅、漢堡同小食等供應，選擇好豐富。
我哋點咗個夏威夷 Pizza、Chicken Doner、兩個漢堡包同一杯 Mango Lassi。
夏威夷薄餅 ($130)：Pizza 即叫即焗，面頭嘅 Toppings 用料十足，有菠蘿、辣肉腸、芝士、紫洋蔥、青椒同橄欖等，拿上手時仍熱燙燙，外緣薄身香脆，食落唔會一口粉，拎起仲有拉絲效果，超邪惡🤤🤤
Chicken Doner 配飯 ($65)：烤雞份量不少，雞肉幾嫩滑，帶濃郁香料香，而且最難得係食落仍然保持到 Juicy 嘅口感，配埋面頭個沙律醬，好滋味，用嚟送飯，一流！旁邊仲有沙律菜，營養均衡，夠晒健康。
至於兩個 Burger 就點咗雙層芝士雞扒 ($45) 同 魚柳漢堡 ($30)，麵包好軟熟，雞扒香脆有肉汁，配上 double cheese，雙重誘惑，份外滿足。
魚柳包味道亦唔錯，魚柳新鮮即炸，外層香脆，內裡魚肉滑捋捋，入口無雪味，加上大量秘製沙律醬、新鮮生菜同番茄，十分可口！
另外呢杯 Mango Lassi ($25) 亦好值得推介，大大杯，色澤鮮艷，飲落芒果味好突出，微酸帶甜很醒胃。
Post
