哈比斯燒肉串和咖哩 (鴻圖中心)

Open Now

Now Closed

觀塘食lunch出曬名難等位同埋多人，有時候唔想排隊想食一啲輕食，外賣上公司食更舒服。今日經過鴻圖中心的呢個foodcourt，發現原來入面都有多間食肆，行行下被呢間印度菜小店香味吸引著，然後熱情的印度店員姐姐向我推介特色菜。小店主打特色咖哩、炒飯、串燒和Kebab烤肉捲等等！我今次點了Kebab Chicken Tikka，呢個烤雞捲，用上錫紙包裹著，等佢保持住溫度，方便手拎住食。招牌菜之一，外層用上印度薄餅捲住，內層餡料豐富到滿瀉，包住沙律菜、特色醬汁烤雞、生菜絲等。整體感覺很搭和入味，喜歡烤雞，嫩滑而且秘制醬汁讓人想一口接一口。而印度薄餅皮也不會很乾身。下次可以試下其他特色菜，例如羊肉和咖哩等。經過這個foodcourt不妨來試下充滿異國風情的印度菜。