Nomads (Closed)

兩公婆襯放假想去尖沙咀拍拖，血併完緊係想搵間舒服好食既餐廳同老公撐枱腳，見食評都唔錯就試下。D人好Nice好友善，主動提意幫我地合照，d service都幾好。環境亦都好有異國風情，座位好闊落好舒服。客人以外藉人士居多。野食唔錯，可發揮creative自選配料俾廚房整pizza/pasta，我揀左牛肉章魚蜆肉粟米菠蘿蕃茄配招牌蒙古汁，自己鐘意食乜就加乜係pizza底到。揀好左傳入廚房就有人幫你整，佢地會幫你加芝士去焗，然後送回你既坐位。真心覺得好味，餅底好脆，食得哂但唔會好滯。老公就乜都想試下，整炒飯炒麵同pizza，都話好味。不過自助餐用餐時間只得1.5小時，覺得有些趕。