Video
Read full review
2021-05-19
82 views
呢間係私房菜，要預先book枱，而且上菜速度係一道菜完咗先再想另一道菜，所以唔需要急住食，可以慢慢同朋友一邊傾偈一邊食嘢👍🏾🎈和風慢煮昆布牛小排老闆話呢道菜嘅牛肉係用慢煮嘅方式，慢慢煮熟啲牛肉，而昆布亦都會同啲牛肉一齊慢煮，所以煮出嚟嘅牛小排會有浸好濃既昆布甜味！而且慢煮出嚟嘅牛肉好嫩滑😋🎈非洲古斯米沙律原來古斯米即係中東非洲嘅米😮同平時我哋食開嘅米完全唔同！呢隻米嘅澱粉應該唔太重，因為就算係口中含一陣，都唔會有種白飯既甜味🤣而且非常之爽口！而呢個沙律，仲加咗紅椒、青椒、茄子，些少辣味，好醒胃呢～🎈鮮蠔忌廉湯+ 法式龍蝦湯呢度嘅湯全部都係用返原始嘅食材打碎而煮成嘅湯～所以唔似得罐頭湯咁，呢度嘅湯飲落去真好似食緊原隻嘅蠔同埋龍蝦咁！而且湯嘅質地並唔係普通嘅流質，而係有啲糊狀，同埋會食到蠔和龍蝦嘅肉碎😋🎈鮮菇通心意粉呢道菜嘅通心粉係剪成一粒粒細細粒咁，好的骰🤪而且食起嚟都好方便，唔會好似大粒通心粉咁，跣到周圍都係😂而菇亦都係細細粒咁，食起嚟即刻變到好斯文咁😂🎈燴牛肉面配紅酒汁呢個亦都係慢煮牛，肉質嫩滑不在話下🤩牛肉亦都好容易咬開，咬開亦都可以好清楚咁見到牛肉嘅紋理👏🏾老闆話牛肉下面係芹菜蓉
呢間係私房菜，要預先book枱，而且上菜速度係一道菜完咗先再想另一道菜，所以唔需要急住食，可以慢慢同朋友一邊傾偈一邊食嘢👍🏾
🎈和風慢煮昆布牛小排
老闆話呢道菜嘅牛肉係用慢煮嘅方式，慢慢煮熟啲牛肉，而昆布亦都會同啲牛肉一齊慢煮，所以煮出嚟嘅牛小排會有浸好濃既昆布甜味！而且慢煮出嚟嘅牛肉好嫩滑😋
🎈非洲古斯米沙律
原來古斯米即係中東非洲嘅米😮同平時我哋食開嘅米完全唔同！呢隻米嘅澱粉應該唔太重，因為就算係口中含一陣，都唔會有種白飯既甜味🤣而且非常之爽口！而呢個沙律，仲加咗紅椒、青椒、茄子，些少辣味，好醒胃呢～
🎈鮮蠔忌廉湯+ 法式龍蝦湯
呢度嘅湯全部都係用返原始嘅食材打碎而煮成嘅湯～所以唔似得罐頭湯咁，呢度嘅湯飲落去真好似食緊原隻嘅蠔同埋龍蝦咁！而且湯嘅質地並唔係普通嘅流質，而係有啲糊狀，同埋會食到蠔和龍蝦嘅肉碎😋
🎈鮮菇通心意粉
呢道菜嘅通心粉係剪成一粒粒細細粒咁，好的骰🤪而且食起嚟都好方便，唔會好似大粒通心粉咁，跣到周圍都係😂而菇亦都係細細粒咁，食起嚟即刻變到好斯文咁😂
🎈燴牛肉面配紅酒汁
呢個亦都係慢煮牛，肉質嫩滑不在話下🤩牛肉亦都好容易咬開，咬開亦都可以好清楚咁見到牛肉嘅紋理👏🏾老闆話牛肉下面係芹菜蓉，聽起來有種新鮮感，因為平時嘅西餐都係配薯蓉，原來芹菜蓉都好好食，而且冇咁容易又食滯嘅感覺添💕
🎈煙燻伊比利亞豬鞍
老闆話呢個豬鞍係喺雪櫃雪凍幾日先，之後先再拎出嚟再煮，可能就係因為咁樣一冷一熱，所以啲肉質都好爽脆😈開頭見到咁厚切，都擔心啲肉會好韌，但係原來係出奇地外皮爽脆，但內裏的肉還是嫩滑的🤪
📍📍📍📍📍📍📍📍📍📍📍📍📍📍
G Place (尖沙咀)
尖沙咀山林道52號環海大廈一期地下C號舖
Post
