8cm Coffee (Closed)

平時行過雞地呢頭，見到開咗好多特色新餐廳，今晚專程過嚟搵食。經過呢間8cm coffee，被佢嘅門外裝修所吸引，門外以湖水綠色為主調襯托白色拱門，盡顯摩洛哥風情，而店內牆身印上綠色植物花草圖案，帶俾人好relax、清新嘅感覺。睇返個menu，食物選擇不算太多，我地嗌咗2個set dinner。是日餐湯南瓜湯清甜幼滑，加上cream，香醇濃郁，還呷得出啖啖南瓜肉。廚師精選沙律蔬菜配上黑醋汁，口感爽脆，味道酸酸甜甜的，清新不膩，清爽輕盈。意式蒜片辣椒欖油虎蝦扁意粉上枱時被2隻大大嘅虎蝦吸引住，陣陣燒蝦味，令人流晒口水！千祈唔好睇小呢個扁意粉，以為佢只係清清淡淡，無乜特別…但原來食落清新惹味，而且辣得過癮，辣得醒胃，食得辣嘅朋友仔真係要試試！紅酒燴紐西蘭羊膝羊膝肉質柔軟緊實，無羊膻味，羊肉煮得軟腍入味，配上濃郁嘅紅酒醬汁，感覺無咁膩口。唔好漏咗個烤薯仔，薯仔口感綿滑，加上酸忌廉，簡單而好食。呢度嘅環境真係好舒服，而且又多打卡位，不過夜晚影相就麻麻地，下次一定要約埋閏蜜嚟tea一tea，影靚相！