蠔灣美食車 (Closed)

嚟大美督呢邊行吓，發現蠔灣開咗新分店進駐大埔大尾篤，有廣闊嘅戶外座位，仲要分成兩層，空間感十足～樓上景色一流，可以望住個海，好似離開咗香港咁樣～對我來講，重點佢係寵物有善餐廳🍴同埋有停車場，揸車可以泊門口好方便🅿️Oyster cove係以流動餐車嘅形式同兹心地合作，提供生蠔、意粉、pizza等食物，然後兹心地就有各款啤酒同埋飲品🍻現場見到不少外國人坐喺度啤一啤坐足半日，氣氛chill爆～精選生蠔拼盤$530/12隻包含咗三款唔同嘅法國生蠔🦪Tia Marra N4+Tia Narra N2+Gillardeau N0。其中以Gillardeau N0最為出色（最大隻嗰款），肥美多肉，裙邊爽脆，蠔肉creamy又飽滿，先鮮後甜味道有層次。Tia Marra N4係最細隻嗰一款，爽中帶脆。每一款都甘甜爽滑，配搭檸檬同埋酸辣汁都非常配合～巴拿馬火腿風味pizza$198九吋番茄醬底嘅pizza，即叫即整，配料有巴拿馬火腿、蘆筍、洋蔥、水牛芝士。厚薄適中，夠脆，餡料分布好平均，加咗蘆筍簡直係畫龍點睛～老細熱情好客，認真介紹，又好歡迎狗狗🐶下次我要約埋其他狗友一齊再嚟！