Cafe Gute (Closed)

好耐冇食Cafe Gute, 點解??? 因為唔抵咗...餐湯 & 自家制餐包--忌廉湯由DAY 1已經鹹到打瀉鹽咁o架啦, 不過果時抵食, 忍佢... 餐包由DAY 1已經又乾又硬又凍, 不過果時抵食, 忍佢... 以前D牛油係派餐包時派埋, 而家放晒響枱面, 唔知放咗幾耐, 已經開始溶溶地... 仲要今次連牛油刀都冇埋, 問個服務員拎, 佢竟然指住枱面個滕藍入面把切肉刀話"我地呢度得1種刀"... 吓?!! 唔係呀嘛?!! 上次o黎食都仲有o架喎!!! 後來佢見我O晒嘴, 就拎咗好大把餐刀比我, 注意, 係最大SIZE嘅餐刀, 唔係牛油刀...香草烤新西蘭羊馬鞍--羊呀羊啦, 又咩馬鞍呀?!! 睇唔明, 不過見英文係LAMB就得啦... 賣相極之討好, 不過我要7成熟, 佢就烤到一邊全熟一邊半熟, 食落仲冇咩羊味, 唉... 我呢個零廚藝嘅人煎都好食過佢!!! 不過... 平時買舊咁嘅羊鞍都唔平, 佢都算份量十足...餐飲--凍檸茶... 一般啦...我今日破格地1毫子TIPS都冇比囉!!! 9十幾蚊, 我落大戶屋好食好多啦!!!係未來嘅日子, 都唔知仲比唔比機會你好... 你一個