Video
Read full review
2016-11-13
969 views
今晚同阿媽去尖沙咀行完街見肚餓，比我諗起中港城平台優靜得嚟又多好野食，於是二話不說就帶左阿媽去中港城。一條長電梯就已經上到平台好方便，穿過Tower 2就見到Tower 3有呢間「福村」，阿媽似乎好有興趣，甘我唯有豪一次請佢食啦！「福村」有3個價錢既Omakase(廚師發板）：人均$1300/$1500/$1800，**我選擇左人均$1500**一入門口就見到一張劏大魚既掛牆相，老闆好nice甘介紹相中人係西村先生，佢上月劏左一條100kg既拖羅！ 嘩我的天，希望今晚Omakase有份食啦我！店中有鐵板燒爐，我好鍾意睇住廚師煮野食所以就坐正正望喺佢地前面^^店員一句「開飯啦喎！？」我「嗯！！」就開始上菜嚕～～第一道先（一）菠菜沙律-以為平平無奇原來幾好食！生菠菜無苦澀味，加上有蔥洋增加味道同口感無甘單調。醬汁係餐廳自家製既黃豆粉加上我至愛既麻醬汁，清新開胃～（二）前菜- 有3樣食物：（上）製作到好似啫喱既梅酒，味道微甜，入面嗰粒係好鮮嫩既去皮蕃茄仔，一啖飲入口又清甜又有口感！（右）南岩漬熟三文魚上面放上漬菜，可作點綴又可以連埋食，爽口帶酸，上面既糖漬枝栗帶栗既甜香，配上結實既三文魚食口
「福村」有3個價錢既Omakase(廚師發板）：人均$1300/$1500/$1800，**我選擇左人均$1500**
一入門口就見到一張劏大魚既掛牆相，老闆好nice甘介紹相中人係西村先生，佢上月劏左一條100kg既拖羅！ 嘩我的天，希望今晚Omakase有份食啦我！店中有鐵板燒爐，我好鍾意睇住廚師煮野食所以就坐正正望喺佢地前面^^
店員一句「開飯啦喎！？」
我「嗯！！」就開始上菜嚕～～
第一道先（一）菠菜沙律-以為平平無奇原來幾好食！生菠菜無苦澀味，加上有蔥洋增加味道同口感無甘單調。醬汁係餐廳自家製既黃豆粉加上我至愛既麻醬汁，清新開胃～
（二）前菜- 有3樣食物：（上）製作到好似啫喱既梅酒，味道微甜，入面嗰粒係好鮮嫩既去皮蕃茄仔，一啖飲入口又清甜又有口感！
（右）南岩漬熟三文魚上面放上漬菜，可作點綴又可以連埋食，爽口帶酸，上面既糖漬枝栗帶栗既甜香，配上結實既三文魚食口感味道有層次～
（左）安康魚肝--街外通常只會用成品，而福村既師傅會自己劏安康魚新鮮取出魚肝，再用自己方法製作，唔會同普遍街外既一樣，而安康魚一般都價高，呢個前菜絕不欺場！
-----
(三）蛋卷，厚面鬆軟，陣陣蛋香～上面係蘿蔔蓉加上柚子汁，蛋既甜味加上柚子汁既酸，撞埋一齊好惹味～
---
（四）刺身：有8款好豐富,款款都色澤新鮮，淨望都知道不得了！--*醬油醃吞拿魚背
*（時令）秋刀魚-熟既秋刀魚就食得多，刺身秋刀魚就真係第一次食！夠資格做刺身既秋刀魚當然乾淨質優，白色嗰層係魚油但入口完全唔油膩而且唔腥，肉質爽而稔，有驚喜！伴醋汁食味道更佳！
*牡丹蝦--好肥美，爽甜新鮮，肥到有肚腩甘，哈哈；
*赤鮭-口感帶爽，味道鮮甜；
*金鯛-鮮嫩而口感比普通既鯛魚結實；
*油甘魚腩-入口鬆化帶魚脂香，但唔會油膩；
*赤貝-肉質肥美，味道爽甜；
*拖羅-肉厚但入口鬆軟即溶可口非常。
---
（五）爐瑞燒拖羅下巴-- 原來就係牆上張相入面條100kg藍鯨吞拿魚。。個下巴！！瑋嚟自物盡其用，二嚟堅好食～老闆話西村先生係要用鋸切出魚下巴，絕對唔小野架～下巴燒香左，望落以為無肉又乾，點知打開表面塊骨就有驚喜！入面原來好多肉，而且魚油溢出陣陣魚香，完全唔乾！魚下巴可以食到啖啖肉真係好滿足！
下巴有海鹽喺旁邊，但其實原味已經好夠香同魚味，小妹覺得唔需要點海鹽，但可以吱小小檸檬汁作調味～
另一個煮法係用汁煮，有機會要試試！
---
雪長毛蟹殻-- 有條雪長毛蟹腳肉舖面，然後上面放上金萡，好高貴～而蟹腳肉下有蟹肉蓉，係用白醋、白汁、忌廉、薯仔蓉同蟹肉mix埋而成，fusion野嚟～但薯仔同忌廉加埋比較膩，忌廉有點蓋過蟹肉本身既鮮甜味道，我還是比較欣賞原味既～
----
街外好多鮑魚都令我卻步，但今次喺福村嚐到既鮑魚令我完全改觀！呢款磯熟鮑魚 ，用豉油做獻汁，好稔好爽口！既稔又入味，師傅已經細細心地切開一片片方便食用，岩晒好怕切野既我～----
壽司：福村招牌拖羅手卷，，拖羅碎、炸蝦碎同三文魚籽，味道師傅已經調教好，唔需要點豉油，點左的話根直對唔住呢個手卷呀！
吞拿魚壽司，刺身超厚，有光澤唔使入口都知新鮮甜美又肥美呀！包住結實既壽司飯，但吞拿魚好大塊我要分兩啖食呢（爽）～上面既係吞拿魚碎，成舊入口即溶omg!燒吞拿魚腩壽司，燒得好香油脂味出晒嚟，入口同樣即溶，成口吞拿魚魚脂香，內心即浮現日本卡通既動感食樣「好好味呀！」*0*
----
接著，有麵/湯選擇，本身想食麵因為見其他食客都有食麵，但因我地太飽所以揀左飲湯，湯都好正架！有魚湯&蜆湯選擇，我地點左各一款～魚湯煮到呈奶白，入面有日本豆腐同日本腐皮，好濃郁既魚香而唔帶腥味，襯熱飲好正！
蜆湯入面既蜆大大隻，蜆肉十分肥美，同樣唔會腥亦無殼碎既問題～味道清甜，一飲而盡！
---
喺等待甜品既期間比我見到呢碟白雪雪既食物，一問之下原來叫「白子」！好學既我即google一下！原來白子即係魚類的精巢，日本人喜歡喺寒冷冬天食「白子」補身～通常會熟食，輕燙過配上酸醋汁，質感柔滑豐腴含豐富營養，非常補身。
----
甜品：日本溫室蜜瓜-我係日本蜜瓜粉絲，呢個蜜瓜絕對無令我失望，成舊好似用蜜瓜汁做甘，入口多汁又甜，凍凍地感覺更fresh, Oishi呢！
意大利奶凍-日版當然要用紅豆啦～頂層就係放上左新鮮紅豆蓉～下層白色既就係奶凍，細軟香滑～食左成餐甘豐富既美食後，呢個甜品份量剛好，食埋真係飽到一個點～
滿足感爆燈，真係是晚一個完美既總結～～
---
食完甜品飲啖茶、回味下既期間，同店員傾下偈、八掛下佢地點解d食物可以甘鮮？難道我遇正返貨日？原來我只岩左一半，因為餐廳原來每日都新鮮空運食物到餐廳，唔會似一般既日本餐廳甘憑一三五/二四六甘入貨。
原來除左餐廳環境令我覺得置身於日本外，食物一樣係日日來自日本！如果抽唔到時間去日本旅行，嚟呢度當一晚日本人都好丫！
Post
