Video
Read full review
2008-12-17
16 views
如果你當佢係間茶餐廳，而唔係一間西餐廳，我諗你會覺得佢都算唔錯的 (佢個價錢仲平過翠華喎)是晚收早，碰巧家裏未煮飯，而媽媽又想黎呢度食pizza 好耐 (係, 呢個年紀仲咁鐘意食pizza的好少有)，所以又幫襯啦。今次我地叫得豐富好多，計有： 辣肉腸pizza：個辣肉腸真係好一般，好似d雞尾腸切片放上去咁...仲要唔係金妹牌果隻係d不知名牌子喎！冇乜味的；個批皮都不過不失，係太厚咁，不過d蕃茄醬同芝士都唔算係落得過多，食個成個批唔係"濕立立", 雖然個批偏厚但都算乾身，食落唔太漏。 田園沙律：成晚最好的係呢個，係佢個沙律醬鮮得滯，好似落左味精咁，不過d菜好新鮮，19蚊, 去supermarket買一包沙律菜都唔知買唔買到 西班牙式奄列：勁失望。 本來係想回味返響西班牙週圍都有得食既la tortilla de patatas (薯仔奄列)的味道，點知完全唔係果回事之餘，仲加多左好多其他配料！！本來，la tortilla de patatas 只係有蛋，薯仔同洋葱 (如果係其他奄列，如茄子，就會用茄子取代薯仔咁解)，而家竟然有火腿，冬菇，同埋我最討厭的雜豆！！ (我討厭雜豆，因為佢一定
是晚收早，碰巧家裏未煮飯，而媽媽又想黎呢度食pizza 好耐 (係, 呢個年紀仲咁鐘意食pizza的好少有)，所以又幫襯啦。
今次我地叫得豐富好多，計有：
辣肉腸pizza：個辣肉腸真係好一般，好似d雞尾腸切片放上去咁...仲要唔係金妹牌果隻係d不知名牌子喎！冇乜味的；個批皮都不過不失，係太厚咁，不過d蕃茄醬同芝士都唔算係落得過多，食個成個批唔係"濕立立", 雖然個批偏厚但都算乾身，食落唔太漏。
田園沙律：成晚最好的係呢個，係佢個沙律醬鮮得滯，好似落左味精咁，不過d菜好新鮮，19蚊, 去supermarket買一包沙律菜都唔知買唔買到
西班牙式奄列：勁失望。 本來係想回味返響西班牙週圍都有得食既la tortilla de patatas (薯仔奄列)的味道，點知完全唔係果回事之餘，仲加多左好多其他配料！！本來，la tortilla de patatas 只係有蛋，薯仔同洋葱 (如果係其他奄列，如茄子，就會用茄子取代薯仔咁解)，而家竟然有火腿，冬菇，同埋我最討厭的雜豆！！ (我討厭雜豆，因為佢一定係雪藏，個味又不倫不類...) 成盤野又冇蛋香，入面d配料又冇乜味，一d都唔好食呀！
講真，你擺得自己係一間賣西餐既格，我會懷住一個食西餐的希望黎食的；當發現唔係一回事的事候，真係好失望；不過諗返轉頭，算啦，呢個價錢，一人$41(我地仲叫左一個drink bar)，仲平過去翠華食，咁當佢係一個另類茶餐廳咁睇，算係唔差，仲俾到你新鮮感添...
不過就唔會係我成日幫襯的choice咯！如果我食茶餐廳食到悶悶地，想搵個地方轉下口味先會諗住黎呢度；同埋，俾我果位咁鐘意食pizza的媽媽得閒黎過下pizza癮(但佢次次都只係食少少)，雖然唔係好食，但勝在夠細隻，咁我要幫清碟都清得冇咁痛苦呀....
除左以上原因，我諗我最多都係幫襯外賣沙律，其他我自己煮好過呀！！
Post