台灣ET鹽水雞

Open Now

Now Closed

與其凍呢一份係一個小食，我直情會當鹽水雞係我嘅午餐！喺旺角區返工周圍茶餐廳食店雖然好多，但係對於想減肥嘅女仔來講，真係好難搵到一間餐廳嘅嘢食係瘦身得來又好味！我發現到旺角中心有鹽水雞買，真係唔錯。因為可以做我嘅減肥午餐！今日揀咗青瓜皮蛋青蘋果！呢排天氣真係好熱，一個組合加埋雞肉就好似沙律咁，當然本身我好鍾意食辣，加左兩蚊麻辣，只不過講真麻辣唔夠麻。。似係普通辣椒漿撈埋一齊，如果可以麻小小咁就好。肉係我最鍾意嘅雞胸肉，唔錯。下次試吓其他配料。。