Pondside

Open Now

Now Closed

上次嚟紅棉道參加朋友嘅婚禮已經留意到呢間餐廳,然後再被其他人喺度打卡嘅相不停燒🔥🔥最近終於去咗做半日港女食下下午茶,展開我長假期嘅序幕🎊今次叫咗個High tea set,有鹹食亦有甜食,而我最期待亦最喜歡係佢哋個scone!😋😋😋以為佢打卡嘢無質素?港女其實可以係內外兼修㗎🤭🤭最上層係蔬菜春卷🥕同risotto balls,炸物得嚟唔油膩,個人覺得春卷比較出色,成個外皮都好香脆~中層就有啲蟹肉餅,Palma ham🍖同埋煙三文魚包,全部都好精緻😍。蟹肉餅上面有我最愛嘅三文魚子,唔會太鹹,配埋蟹肉餅好香嘅蟹肉味,有啲似肉鬆嘅質感🦀🦀。煙三文魚包油香豐富,加埋一小塊刁草,非常經典嘅配搭口味。而shrimp cocktail嘅大蝦好爽🦐,下面嘅醬汁應該有牛油果,非常香濃~然後係我最期待嘅甜品部份🍰!當日蛋糕有一個好香濃嘅朱古力蛋糕🍫,濃得嚟唔太甜,仲有一層類似早餐殼物嘅脆卜卜口感。另一款係合桃蛋糕,比較甜一點,但味道唔錯。而我真係好鍾意食macaron🙈如果再多啲就好啦🤣🤣最後我一定要獨立介紹個scone!因為我真係好鍾意食scone,所以都食過好多款,而呢度嘅scone好鬆化得仲好香🤤。