Video
Read full review
2013-06-14
16 views
經過呢間餐廳無十次都有八次，但係每次唔知點解唔係趕時間約左人、就係門口要排隊等位，一直都無緣一試。喺愛車如命既友人安排下，終於可以黎到呢間Fiat Caffe與香車美食一聚。餐廳位於銅鑼灣禮頓中心地下，喺路口已經見到醒晨「Fiat」logo，一定唔會搵唔到。同waiter傾開先知原來呢度係由Swire Hotel負責管理，應該夠晒質素保証！餐廳唔算好大，基本上一眼睇晒，除左用餐區之外，亦都擺左幾部佢地品牌既show car喺度，如果有興趣重可以同show room 既駐場sales即場傾添...經waiter介紹，我地叫左illy Crema (左)同埋 Italian Smooch (右)。店員特別指出佢地喺illy order左部特製既機返黎造出沙冰既效果。杯野入口時有D似「許X山」既撈野感覺，無一般沙冰入口時「鞋sap sap」既feel。至於杯Smooch同一般Mocktail分別不大，但係由於落左香葉既關係有一股好清新既氣味，不過D冰就好似大粒左少少，飲落肚既content應該唔夠個杯既2/3。火炙吞拿魚、椰菜花、杏仁、榛子油、檸檬︰吞拿魚剛剛洽到好處，一D over左既感覺
餐廳位於銅鑼灣禮頓中心地下，喺路口已經見到醒晨「Fiat」logo，一定唔會搵唔到。同waiter傾開先知原來呢度係由Swire Hotel負責管理，應該夠晒質素保証！餐廳唔算好大，基本上一眼睇晒，除左用餐區之外，亦都擺左幾部佢地品牌既show car喺度，如果有興趣重可以同show room 既駐場sales即場傾添...
經waiter介紹，我地叫左illy Crema (左)同埋 Italian Smooch (右)。店員特別指出佢地喺illy order左部特製既機返黎造出沙冰既效果。杯野入口時有D似「許X山」既撈野感覺，無一般沙冰入口時「鞋sap sap」既feel。至於杯Smooch同一般Mocktail分別不大，但係由於落左香葉既關係有一股好清新既氣味，不過D冰就好似大粒左少少，飲落肚既content應該唔夠個杯既2/3。
火炙吞拿魚、椰菜花、杏仁、榛子油、檸檬︰吞拿魚剛剛洽到好處，一D over左既感覺都冇，同麵包糠十分之夾。廚師只係喺吞拿魚表面「辣一辣」，名乎其實係「火炙」，目的都係想保存魚既鮮味。再加上杏仁同榛子油既香味，令到魚既味道更突出。
魷魚、檸檬、水瓜柳︰唔知係咪之前道菜已經有D「酸酸mei mei」，所以再食既時候覺得D檸檬味太搶，太過酸。魷魚既口感比較「un」，剛食落肚既時候好似有少少overcooked，但係當食左幾啖之後檸檬汁同魷魚既chemical reaction令到魷魚既味道更出，或者呢個可能就係個Chef既原意啦！
羊芝士意粉︰呢個大路到唔大路既carbonara，用左goat cheese代替一般芝士，令到個意粉既味道更加搶。特別要提一提佢個sauce，口感creamy之餘更有點入口即溶既感覺。雖然碟野好似唔係好大咁，但係食左幾啖之後已經開始有少少heavy既感覺，普通人如果一個人「獨食」的話一定食唔晒！
檸檬燒雞、百里香、白豆、芝士薯蓉︰隻雞坦白講有少少「鞋」，我相信係同雞本身既品種同埋傳統意式烹煮手法有關。Anyway, lemon taste既味道好特別，能夠令我暫時忘卻本身肉質不足之處。另外薯蓉加左芝士之後個香味更加突出，亦都令到入口時既感覺更加軟滑，不過我估一定好高卡路里！
（左）香桃、雲呢拿忌廉、杏仁杯: 喺peach上面放左一層cream with almond，坦白講簡單到唔簡單，你同我喺屋企都可以整到，但係桃既鮮味同cream既milky smell擺埋一齊會令到成杯野更香更滑，軟腍腍咁個口感超正！（右）意式雪糕特濃咖啡: 呢個dessert基本上係gelato + espresso+ cream既mix。坦白講，無乜特別，但唯一要讚既係個coffee既味道好香好出，但同D cream擺埋一齊就略為有少少唔夠夾，令後者既香味俾前者遮住。
同場加映︰$799,888既Espresso連 Abarth 695 Tributo Ferrari
最後想講張枱實在太細喇，二人枱個size連兩個麥記捧餐既盤都擺唔落。幸好waiter收野速度好快，如果唔係一定食得好唔舒服！
Other Info. :
今次有少少over ordered 左，下次兩個人再有機會去的話食一個dessert己經夠晒喇！
(The above review is the personal opinion of a user which does not represent OpenRice's point of view.)
Post
