Video
Read full review
2009-06-03
153 views
1) 感覺好軟好滑，擺入口即溶，加埋粒粒 size 適中的脆香米，真係唔錯架喎！內裡的脆香米軟硬度岩岩好，因為太軟就會影響口感，而太硬就會有喧賓奪主的感覺了。2) 係普通的純牛奶朱古力。但這隻朱古力真係有陣恰到好處的牛奶味，因為太重牛奶味就應該叫做白朱古力啦嘛！3) 佔左32%可可，唔算太多，特別在唔係呢樣，而係塊wafers真係好香，加埋真係好好食~唔好同我講話用timeout來黎比較，d wafers係相差甚遠矣！因為我食呢粒朱古力時，完全係口含就唔係咬，就咁含舊朱古力 d wafers都咁得唔稔，good！4) 簡直係為我呢個 vanilla fans 而設！因為我對 vanilla 係有一種情有獨鍾的情意結。牛奶古古力已經夠滑，這隻個軟心仲加左 cream 同 vanilla 就更加滑，真係誇 la la！5) 又係有cream 之作，理所當然的滑。今次內裡的原粒榛子對於我來講，就唔係主菜，反而濃濃的咖啡香，令我難捨難離，揮之不去！6) 初初表層係牛奶朱古力，慢慢再溶化成好濃的榛子味軟心！7) 在低調的牛奶朱古力襯托下， 今次原粒榛子反而係主菜喇！脆
2) 係普通的純牛奶朱古力。但這隻朱古力真係有陣恰到好處的牛奶味，因為太重牛奶味就應該叫做白朱古力啦嘛！
3) 佔左32%可可，唔算太多，特別在唔係呢樣，而係塊wafers真係好香，加埋真係好好食~唔好同我講話用timeout來黎比較，d wafers係相差甚遠矣！因為我食呢粒朱古力時，完全係口含就唔係咬，就咁含舊朱古力 d wafers都咁得唔稔，good！
4) 簡直係為我呢個 vanilla fans 而設！因為我對 vanilla 係有一種情有獨鍾的情意結。牛奶古古力已經夠滑，這隻個軟心仲加左 cream 同 vanilla 就更加滑，真係誇 la la！
5) 又係有cream 之作，理所當然的滑。今次內裡的原粒榛子對於我來講，就唔係主菜，反而濃濃的咖啡香，令我難捨難離，揮之不去！
6) 初初表層係牛奶朱古力，慢慢再溶化成好濃的榛子味軟心！
7) 在低調的牛奶朱古力襯托下， 今次原粒榛子反而係主菜喇！脆、香！good ~
8) 好濃的黑朱古力味，擺入口慢慢咁溶，口感好正好正好正！溫香軟滑 ~
9) 曾經有陣子我好鍾意食 kinder 的繽紛樂，因為我愛那些榛子醬！而今次這粒朱古力由頭到尾的口感依然都係朱古力，但我諗唔到點解能夠有咁強的榛子香味！？我估 d 朱古力整時一早已同榛子茸 mix 埋一齊，但都仍然冇影響口感，仍然都係咁滑喎！又唔杰！奇 ~
10) 擺入口那一刻，初初覺得好苦、愜口...開始漸入佳境，口感愈來愈滑，帶點兒甜味，慢慢咁溶至軟心！軟心係好濃的古古力醬 ~ yeah，禮成！
食後感：食了十款，有兩款我真係好好好鍾意！就係4. Lingot 同 5.manon cafe 喇！跟著就係8. shaving truffe同9. granduja 喇！不過咁， 10. cocoa睇佢外表好平凡，但就俾到我一種好深刻的感覺。有苦有甜，如同人生，亦如同愛情一樣，令人又喊又笑，又愛又恨…
是次的 leonidas 的試食之旅係本小姐的第一次(朋友的女朋友話好食送俾我一試)。無可否認，今次試食的款式係truffes為主，不過味道同款式都係好新鮮驚喜，我係未食過的，因為我講過我份人好悶，食來食去都係咁…
單憑今次的朱古力，我好中肯咁講句：這些味道的驚喜都係依據我的喜好而被挑選。我兩位好友真係好鬼了解我口味架喎！例如揀左vanilla同coffee口味俾我(就算撞手神又會咁好彩喎！冇買中椰茸、杏仁同提子乾)。
不知者不罪，我係咁衰衰，話唔鍾意 nuts，但就只鍾意榛子唔鍾意杏仁；話唔意水果夾心，但就只鍾意士多啤梨乾就唔鍾意提子乾；話唔意飲酒，但就鍾意酒心朱古力！
我好客觀，今次試食我係冇用godiva來比較，兩者同樣都係 truffes，不過godiva我主要係食黑朱古力、cappuccino同冧酒為主！而今次leonidas我係主要食牛奶朱古力同hazelnut為主。
咁總括來講，兩隻牌子的朱古力都好純正同正宗，唔好搵出面坊間超巿所賣的來比較，而兩隻牌子唯一的分別是，就係朱古力的口感同質感。用紅酒做例子，飲前要用專飲紅酒的酒杯輕輕搖晃睇下紅酒的醇度。<--飲過紅酒的人會明我講咩=而godiva的口感較厚較濃口感偏重量型，leonidas的口感就較為thin亦說得上口感冇咁lup，咁兩者各有千秋，人人所追求的口感不同嘛！
我就唔係一個識飲識食之人，亦都唔係專業食家。在於個人見解，一直都覺得，食物好味與否就似乎同價錢沒有太大的直接關係，亦與我的鍾愛程度無關。
咁今次的試食觀感都係盡能力按朋友旨辦事，同唔同意就見仁見智啦！anyway ~ 味覺需要朱古力的慰藉時，咁咪食囉！最緊要自己覺得滿足姐！^3^
Post
