老夫子餐館 (Closed)

一講 “老夫子”, 大家一定唔會陌生,因為“老夫子漫畫”係大家的回憶, 我細個都買左唔少,當知道“老夫子餐館”開張, 當然要去品嚐啦~地點係太子地鐵行2-3分鐘,門口大大個 “老夫子漫畫”的角色公仔,非常容易就可以搵到~餐廳入面的設計非常用心, 用左懷舊的風格,牆上可以見到“老夫子漫畫”,仲有半架車造型的餐台~就連餐牌都係“老夫子”,菜名仲好搞鬼~<龍爭虎鬥---瑞士雞翼>雞翼酸中帶有少少甜味小朋友一定好鐘意<出神入化---鐵板牛柳> 牛柳又厚又大, 份量十足肉質粉粉幼嫩, 口感鬆軟帶嚼勁,配上香濃的黑椒汁, 好正!<膽大包天---忌廉溝鮮奶>呢度的飲品好有創意, 用左中西合壁的概念,好似呢杯忌廉溝鮮奶, 鮮奶上用放左大大個棉花糖,等客人自己倒d忌廉去溶化個棉花糖,第一次禁樣飲忌廉溝鮮奶~之後見到人地點左<得意忘形---香橙梳乎厘>,又忍唔住點左個~超大一個, 比我個頭仲要大~質感鬆軟, 蛋白順滑, 入口即化,帶點淡淡的香橙鮮甜味, 唔會太膩,好味到我地3個女仔一齊竟然食得晒~