Video
Read full review
2010-12-12
78 views
這間舊址原來係桃苑，原來酒店say bye bye所以就無左，變左而家既翡翠~ 桃苑係一間我都算經常光顧既酒樓，無論飲茶/晚飯，雖然佢個位幾隔涉，但一直都覺得佢D食物都唔太差。我同媽咪兩個人去完Church黎左呢度飲茶，大概兩點到都即刻有位，不過個位就隱蔽左少少，都幾乎滿哂咁制~ 其實下午茶食煲仔飯都幾搞笑，不過既然佢想食我當然無所謂，不過個份量幾大下的，好彩我地有帶食物盒可以裝走~乳鴿煲仔飯要等一段時間的，不過黎到又真係覺得幾好食，份量幾大，而且依家做緊promotion(?)所以幾平下~ 個飯食落好香，粒粒分明，而且成隻乳鴿拆肉都幾多下，乳鴿肉帶少少脂肪食落甘香，真係幾好味喎~ 不過其實都幾膩的，建議多d人食好d~~另外仲叫左D 點心同小食，叫左個花雕牛坑腩試下，不過呢個唔好食呢~ 黎到已覺得賣相麻麻，食落肉質韌而且無咩肉味，仲要花雕味都無乜，非常淡口~ 所以呢個唔得，我地仲拎左返屋企自己再用D花雕浸下佢添!叫左紫蕃薯包，呢個就覺得好味，咬落個包覺得好軟熟，皮又唔會太厚，而且入面D紫蕃薯餡好多好清甜，呢個就幾好食~~最後個蝦腸，等左好耐真係好耐先黎，出到黎都唔熱既，懷疑佢係唔記得拎
這間舊址原來係桃苑，原來酒店say bye bye所以就無左，變左而家既翡翠~ 桃苑係一間我都算經常光顧既酒樓，無論飲茶/晚飯，雖然佢個位幾隔涉，但一直都覺得佢D食物都唔太差。
我同媽咪兩個人去完Church黎左呢度飲茶，大概兩點到都即刻有位，不過個位就隱蔽左少少，都幾乎滿哂咁制~ 其實下午茶食煲仔飯都幾搞笑，不過既然佢想食我當然無所謂，不過個份量幾大下的，好彩我地有帶食物盒可以裝走~
乳鴿煲仔飯要等一段時間的，不過黎到又真係覺得幾好食，份量幾大，而且依家做緊promotion(?)所以幾平下~ 個飯食落好香，粒粒分明，而且成隻乳鴿拆肉都幾多下，乳鴿肉帶少少脂肪食落甘香，真係幾好味喎~ 不過其實都幾膩的，建議多d人食好d~~
另外仲叫左D 點心同小食，叫左個花雕牛坑腩試下，不過呢個唔好食呢~ 黎到已覺得賣相麻麻，食落肉質韌而且無咩肉味，仲要花雕味都無乜，非常淡口~ 所以呢個唔得，我地仲拎左返屋企自己再用D花雕浸下佢添!
叫左紫蕃薯包，呢個就覺得好味，咬落個包覺得好軟熟，皮又唔會太厚，而且入面D紫蕃薯餡好多好清甜，呢個就幾好食~~
最後個蝦腸，等左好耐真係好耐先黎，出到黎都唔熱既，懷疑佢係唔記得拎出黎! 腸粉皮好鬼厚，又唔夠滑~ 唯一好處係D蝦好大隻好爽口，嗯... 一般一般~~
食物有好有唔好，黎到可以一試乳鴿煲仔飯，如果係附近既都可能會再黎飲下茶的~ 見到老闆仲同以前一樣，唔知D小菜仲好唔好食呢？
Post
