米線哥 (Closed)

餐廳有幾款主打嘅米線，包括巴蜀酸辣肉燥撈米線、蜀地川風水煮米線、同埋只限堂食嘅藥膳麻油雞米線！但我唔算好食得辣，下次帶埋朋友仔先再試前兩款😛《藥膳麻油雞米線》👵🏻👴🏼🐣碗麵一上枱，就即刻聞到超香嘅麻油味！真係好香！！😳 麻油份量好重手，因為由頭食到落尾，每一啖都可以食到麻油味😳👍🏻👍🏻唔知係唔係加咗大量桂圓同紅棗嘅關係，湯底非常非常甜，唔講仲以為落咗糖🍯，不過係好味嘅，因為唔係味精同死甜味👍🏻 加上蟲草花、雲耳同金菇作配菜，令色彩繽紛之餘又健康。雞件方就冇乜調味，勝在係去骨雞腿肉同低鈉，但肉質比較鞋，有進步空間～整體來講，味道都係一流，食完個身都暖笠笠，而且價錢一啲都唔貴，性價比甚高🥰*餐廳依然做緊新開張優惠，🎓學生減$3。另外凡惠顧米線一碗可以優惠價$5加購凍/熱飲品。